Дархан-Уул аймаг дахь Технологийн сургууль хичээлийн шинэ байртай боллоо

Шинжлэх Ухаан Технологийн Их Сургуулийн Дархан-Уул аймаг дахь Технологийн сургууль нь үүсэн байгуулагдсаны 25 жилийн ойн босгон дээр сургалтын орчноо сайжруулж, оюутан сурагчдын сурч хөгжих, судалгаа шинжилгээний ажил хийх таатай орчин бүрдүүлэх үүднээс 1600 оюутны багтаамжтай 5 давхар хичээлийн II байрны барилгыг улсын төсвийн хөрөнгө оруулалтаар бариулан, ашиглалтанд оруулж байна.
1 4
25

Шинээр баригдаж байгаа хичээлийн II байр нь 52,5 м2 талбай бүхий 50 сургалтын танхим, туршилт, судалгааны лаборатори, 105 м2 бүхий 150 оюутны багтаамжтай 4 хурлын болон лекцийн  заалтай.
3

Энэ их бүтээн байгуулалтын ажлыг  дэмжиж, туслаж өгсөн Монгол Улсын Засгийн Газар, БСШУЯ, Дархан-Уул аймаг дахь ЗДТГ, ШУТИС-ийн Захиргаа, бүх бүрэлдэхүүн сургуулиуд, институтуудад талархаж байгаагаа илэрхийлье.

Барилгын ажлыг 2015 оны 05-р сарын 14-нд эхлүүлж, жил хүрэхгүй хугацаанд буюу 350 дахь хоног дээрээ ашиглалтанд орж байгаа бөгөөд нийгмийн үүргээ ухамсарлан, чанартай барьж гүйцэтгэсэн “Жи-Ди” ХХК, “Минж проперти” компаниудад тус сургуулийн Захиргаа, эрдмийн хамт олон талархаж байгаагаа илэрхийлж байна.

Тус өргөөнөөс Монгол улсын хөгжилд хувь нэмэр оруулах олон зуун шилдэг инженер, технологич, эрдэмтэн судлаачид төрж гарна гэдэгт итгэлтэй байна.

Номын цагаан буян дэлгэрэх болтугай.
Сургуулийн захиргаа, эрдмийн зөвлөл