ДаТС-ийн багш Дархан-Уул аймгийн ИДМСК-ийн шилдгээр шалгарлаа

Дархан-Уул аймгийн Их, дээд, мэргэжлийн сургуулиудын консорциумын 2016-2017 оны хичээлийн жилийн шилдэг багш шалгаруулах уралдаанд ДаТС-ийн Суурь шинжлэх ухааны тэнхимийн дэд профессор У.Мөнхцэцэг “Шилдэг заах арга, зүйч багш”, ахлах багш Э.Оролмаа “Шилдэг судлаач багш”, Инженерчлэлийн салбарын багш Х.Идэр “Шилдэг залуу багш” номинацид тус тус өрсөлдөж багш Х.Идэр Дарханы ИДМСК-ийн  “Шилдэг залуу багш”-аар шалгарлаа.

Мөн Дархан-Уул аймгийн ИДМСК-ийн “Профессор, багш нарын эрдмийн чуулган”-д манай сургуулийн профессор багш нар амжилттай оролцож Технологийн салбарын багш М.Атарцэцэгийн “ТОМ НҮХ СҮВТЭЙ КЕРАМЗИТИЙН ШИНЖ ЧАНАРЫН СУДАЛГАА” сэдэвт илтгэл “Тэргүүн” байр, Инженерчлэлийн салбарын тэргүүлэх профессор Ч.Ганзоригийн CNC УДИРДЛАГЫН SF-2012 СИСТЕМД ТОХИРУУЛАН G КОД БИЧИХ АРГУУД БА ТУРШИЛТЫН ҮР ДҮН сэдэвт илтгэл “Дэд” байрт тус тус шалгарлаа.
4 5 6

Нийт багш нартаа Монголын багш нарын баярын мэндийг хүргэж, ажлын өндөр амжилт хүсье.
Сургуулийн захиргаа