ДСЦТС ХК-ийн хөрөнгө оруулалтаар тохижуулсан цахилгаан тоноглолын лаборатори нээлтээ хийлээ.

ДСЦТС ХК-иас Дархан-Уул аймаг дахь Технологийн сургуулийн Цахилгаан тоноглолын лабораторийг 57,8 сая төгрөгөөр санхүүжүүжилтээр барилгын засварын ажил,цахилгааны тоног төхөөрөмжүүд болон танхимийн тохижилтийн ажлыг хийж гүйцэтгэн 2018.06.23-ны өдөр хүлээлгэн өглөө.

Уг лабораторийн нээлтийн ажиллагаанд ДСЦТС ХК-ны тэргүүн дэд захирал бөгөөд ерөнхий инженер Б. Батжаргал болон хэлтсийн дарга нар, тус компанийн ДаТС-ийг төгссөн төгсөгчдийн төлөөлөл, ШУТИС-ийн захирлын зөвлөлийн гишүүд, ДаТС-ийн ЭХМТС-ын ЦС-ийн багш нар, ЦС мэргэжлээр 2018 оны хаврын улиралд төгсөж буй төгсөгчид болон эчнээ ангид суралцаж буй оюутнууд, АНУ-ын Энхтайвны корпусын сургалт хариуцсан захирал Гровер Эйнсворт нар байлаа.

Тууз хайчлах баярын үйл ажиллагааг ДСЦТС ХК-ны тэргүүн дэд захирал бөгөөд ерөнхий инженер Б. Батжаргал, ШУТИС ДаТС-ийн захирал Ц. Батбаатар, ШУТИС ДаТС-ийн дэд захирал Ц. Батцэцэг, ШУТИС ДаТС-ийн ЭХМТС-ын эрхлэгч Ж. Бат-Эрдэнэ, АНУ-ын Энхтайвны корпусын сургалт хариуцсан захирал Гровер Эйнсворт нар гүйцэтгэлээ.

Цахилгаан тоноглолын лабораторид I.EE301* Цахилгаан станц дэд станцын тоног төхөөрөмж, I.EE323 Цахилгаан станц, дэд станын ашиглалт засвар, I.EE310 Эрчим хүчний системийн ашиглалт засвар хичээлүүдийн лабораторийн ажлыг явуулах боломжтой юм. Уг лабораторийг ВК тосон таслуур, Самара вакуум таслуур, Siemens вакуум таслуур, Реклоузер, 35 кВ-ын хүчдэлийн трансформатор, гүйдэл, хүчдэл, хүчний трансформаторт зүсэлт хийж дотоод бүтцийг харуулж, бусад тоноглолуудын биет үзүүлэнгүүд болон тоноглолуудыг хийц, зүсэлттэй самбаруудаар тохижуулсан.

Цахилгаан тоноглолын лабораторийг тохижуулснаараа оюутнууд эрчим хүчний үйлдвэрлэлийн салбарт хэрэглэгдэж буй цахилгаан тоноглолуудыг сургуульдаа  нүдээр үзэж таних, цахилгаан тоног төхөөрөмжид сэлгэн залгах үйлдлийг үйлдвэрлэлийн шатанд хийх боломжтой болж байгаа юм.
1 2 3 4