Суурь шинжлэх ухааны тэнхим

IMG_2514
ШУТИС-ийн бүрэлдэхүүн сургуулийг 1991 оны 2 дугаар сард Дархан-Уул аймагт байгуулагдахад анхны тэнхим нь Ерөнхий эрдмийн тэнхим байсан юм. Энэ тэнхимээс улбаатай манай “ Суурь шинжлэх ухааны“ тэнхим нь 2014 оны 8-р сард бүтцийн өөрчлөлтөөр байгуулагдсан болно. Дэлхийн түвшинд өрсөлдөх чадвар бүхий, дээд боловсролын салбарын хөгжлийн шинэчлэлийг хэрэгжүүлэгч, үр дүнд суурилсан сургалтын аргыг нэвтрүүлсэн, суурь шинжлэх ухааны сургалтаар оюутнаа төлөвшүүлдэг тэргүүний хамт олон байх зорилгын дор доктор (Ph.D), профессор М.Гонгороор удирдуулсан нийт 23 багш, 3 сургалтын мастертайгаар үйл ажиллагаагаа явуулж байна.  Багшлах бүрэлдэхүүний  18% нь эрдмийн зэрэг цолтой бөгөөд 60 гаруй хувь нь докторантурт суралцан математик, физик, хими, техник , боловсрол судлал, түүх, философи, хэл шинжлэлийн чиглэлээр судалгаа шинжилгээний ажил хийж байна.

Тэнхимийн бахархал:

  • Бусад салбар, тэнхимүүдтэй харьцуулахад хамгийн олон доктор цолтой багш нар төрөн гарч ажиллаж байгааг дурьдвал: Профессор М.Гонгор (Ph.D), дэд профессор У.Мөнхцэцэг (Ph.D), ахлах багш Г.Цэндмаа (Ph.D), ахлах багш ахлах багш Б.Ганболд (Ph.D), ахлах багш Э.Оролмаа (Ph.D
  • Манай тэнхимд эрдмийн зэрэг, цолтой олон багш нар ажиллаж байсныг дурьдвал: Академич Н.Бэгз (D),  дэд профессор Ц.Амарсанаа (Ph.D), С.Батболд (Ph.D), дэд профессор Б. Батгэрэл (Ph.D), дэд профессор П.Эрдэнэбат (Ph.D), дэд профессор М.Дүгэрсүрэн (Ph.D), дэд профессор Ц.Цэрэн (Ph.D), дэд профессор Ц.Цэцэгмаа (Ph.D), дэд профессор М.Сонор (Ph.D) дэд профессор Б.Долгор (Ph.D), дэд профессор Д.Баясгалан (Ph.D), Ц.Рэнцэнханд (Ph.D), С.Одончимэг (Ph.D) нар ажиллаж байсан юм.
  • Гадаадын их, дээд сургуульд эрдмийн зэрэг цол горилон тэтгэлэгт хамрагдан суралцаж байгаа багш нараас дурьдвал ахлах багш Д.Оюунтуяа ОХУ-д , багш С.Болортуяа, Ц.Булган, С.Пүрэвсүрэн, сургалтын мастер О.Тунгалагтамир нар БНСУ-ын их, дээд сургуульд , ахлах багш П.Нямбаяр БНХАУ-ын  их сургуульд тус тус докторантаар суралцаж байна.
  • Дотоодын их, дээд сургуулиудад Д.Хөгжмаа, Б.Сувд-Эрдэнэ, С.Одцэцэг, М.Дэлгэрмаа, М.Ундрал, Ж.Каламхас, зэрэг багш нар докторантаар суралцаж байна.

Дээд боловсролын суурь ухааны  14 нэр төрлийн хичээлүүдийг манай тэнхимийн багш нар зааж байна. Оюутан бүр бүтээлчээр ажиллахад нь шаардагдах мэдлэг, чадвар, технологи болон соёлын үнэт зүйлсийг эзэмших, сонгох тэгш боломж, таатай орчин төлөвшүүлэн, байнга сайжруулахад чиглэсэн хүртээмжтэй, чанартай, үр ашигтай, тогтвортой үйлчилгээг үзүүлэхэд чиглэсэн сургалт хүмүүжлийн олон талт ажлууд явуулж байгаа нь манай тэнхимийн үйл ажиллагааны онцлог юм. Оюутны дунд явуулдаг уламжлалт ажлууд болох математик, физик, хими, гадаад хэлний олимпиадыг жил бүр уламжлал болгон  зохион байгуулж улмаар аймаг, улсын олимпиадад оюутныг бэлтгэн тогтмол оролцуулж байгаагийн зэрэгцээ “Математик” , “Залуу физикч”, “Органик хими”,  “Русский мир”, “English club”, “Тамирчин клуб”-ууд болон “Соёх-Эрэн” ТББ үйл ажиллагаагаа явуулж багш, оюутны нягт харилцааг бий болгосон, оюутан залуусыг ёс суртахуун, гоо зүйн зөв төлөвшилтэй бие даасан оюутанг төрүүлэхэд чиглэсэн олон талт ажлуудыг зохион байгуулж байна.

            ШУТИС-ийн “Олон улсын дээд боловсрол судлалын төв, БСШУСЯ-ны харъяа Боловсролын хүрээлэнтэй хамтран “Боловсролын удирдлага” чиглэлээр магистрын сургалтын хөтөлбөрийг шинэчлэн сургалт  явуулж байна.

Суурь шинжлэх ухааны тэнхимийн гадаад хамтын ажиллагаа өргөжин өнөөдрийн байдлаар АНУ-ын ЭСЯ, Энх тайвны корпус, ОХУ-ын Улан-Үдэ хотын Дорнод Сибирийн Технологийн их сургууль, БНХАУ-ын Бээжингийн Геологийн шинжлэх ухааны их сургууль, ОХУ-ын Москва дахь Ломоносовын нэрэмжит их сургууль, Олон улсын “Дубна” дахь цөмийн физикийн институт, ӨМӨЗО-ны Хөх хотын Аж үйлдвэрийн их сургуультай хамтын ажиллагаатай төдийгүй дотооддоо БШУЯ-ны харъяа Боловсролын хүрээлэн, ШУА-ийн хэл зохиолын хүрээлэн, математикийн хүрээлэн, физик техникийн хүрээлэн, химийн хүрээлэн,  МУИС, ШУТИС-ийн Хэрэглээний шинжлэх ухааны сургууль, Бизнесийн удирдлага, хүмүүнлэгийн сургууль болон  Дархан-Уул аймаг дахь  “Боловсрол,соёл, урлагийн  газар”  болон ЕБС-иудтай байнгын харилцаатай ажилладаг.

Сургалтын орчин, бааз шаардагдах түвшинд  хүрсэн, тусгай тоноглогдсон лингафоны кабинет, е-сургалт явагдах нөхцөл бүрдсэн  хэлний лаборатори, техник хэрэгслээр тоноглогдсон гадаад хэлний тусгай зориулалтын анги танхимуудад аудио, видео, интерактив хичээлүүдийг явуулж байхын зэрэгцээ  математикийн кабинет, ерөнхий ба органик химийн лаборатори, физик коллоид химийн лаборатори,  физикийн виртуал лабораториуд, орос хэлний кабинет, англи хэлний хэрэглээний лабораторийг тус тус байгуулж сургалт, туршилт судалгааны ажлыг гүйцэтгэхийн зэрэгцээ бакалавр, магистрын сургалтыг явуулж байна.

Дэлхийн 136 орны 8000 гаруй их, дээд сургуулиудын 4500 тестийн төвийн нэг болох ШУТИС-ийн ДаТС-ийн IBT TOEFL-н төвийг өргөтгөн олон улсын стандарт хангасан төв болгохоор зорилт тавин ажиллаж байна.

Тэнхим инженерийн боловсролын CDIO системийг бүрэн агуулгаар нь нэвтрүүлэх, багшлах боловсон хүчний бүрэлдэхүүний чанарыг сайжруулах, оюутанд багш, сургалтын мастераас үзүүлэх үйлчилгээг чанартай, үр ашигтай болгох, эрдэм шинжилгээ, судалгааны ажилд багш бүрийг оролцуулж, боловсролын доктор улмаар шинжлэх ухааны доктор бэлтгэх зорилт, төлөвлөгөөтэй ажиллаж байна.

Цаашид  суурь судалгааны төвтэй болох мастер төлөвлөгөөтэйгээр тэнхимийн бүхий л ажлыг чиглүүлэн ажиллаж байна.

Багшлах боловсон хүчин:

Тэнхимийн эрхлэгч:

Доктор (Ph.D), дэд профессор М.Гонгор

Дэд профессор:

Доктор (Ph.D) У.Мөнхцэцэг

Ахлах багш:

Доктор (Ph.D) Г.Цэндмаа
Доктор (Ph.D) Б.Ганболд
Доктор (Ph.D) Э.Оролмаа
Магистр Д.Хөгжмаа
Магистр М.Дэлгэрмаа
Магистр Г.Болд
Магистр Б.Сувд-Эрдэнэ
Магистр П.Нямбаяр
Магистр Г.Болдбаатар

Багш:

Магистр Д.Дунгаамаа
Магистр М.Ундрал
Магистр Р.Баяртөгс
Магистр Ж.Каламхас
Магистр Д.Батжаргал
Магистр С.Одцэцэг
Магистр Б.Батсуурь
Магистр Д.Давхарбаяр
Магистр С.Пүрэвсүрэн
Магистр Ц.Булган
Магистр Д.Отгончимэг
Магистр С.Болортуяа

Сургалтын мастер:

Магистр Д.Энхбаяр
Магистр Ц.Алимаа
Магистр Ц.Алтанзул

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>