СУРГАЛТЫН ТӨЛБӨР, ТЭТГЭЛЭГ

Оюутан ШУТИС-ийн оюутны эрх үүргийнхээ дагуу сургалтын төлбөрийг хичээлийн жил бүр “Сургалтын нэгдсэн хуанли”-д заасан эхний 0-2 долоо хоногт багтан төлж, сонголт хийн хичээлд суух эрхтэй болно.

Шинжлэх Ухаан Технологийн Их Сургуулийн бүрэлдэхүүн сургууль бүрийн нэг кредитийн үнэлгээ бэлтгэн гаргаж байгаа мэргэжлийн онцлогоос шалтгаалан харилцан адилгүй байдаг. Бүрэлдэхүүн сургууль бүрийн нэг кредитийн үнэлгээг “ШУТИС-ийн Удирдах зөвлөлийн тогтоол” 2022 оны 12 сарын 22 өдрийн 10 тоот тогтоолоос харах боломжтой.

ШУТИС-ийн Дархан-Уул аймаг дахь Технологийн сургуулийн сургалтын төлбөрийн 1 кредитийн үнэлгээ дараах үнэлгээтэй тогтоосон.

• Бакалаврын ӨДРИЙН сургалтын нэг кредитийн үнэлгээ: 
  –  2023-2024 оны хичээлийн жилд элсэгчдийн хувьд 120,933 төгрөг;
  –  2022-2023 оны хичээлийн жилд элсэгчид буюу 2-р курсын  хувьд 92,147 төгрөг;
  – 2021-2022 оны хичээлийн жилд элссэн оюутнуудын хувьд 92,147 төгрөг;
• ЦАГИЙН /эчнээ/ сургалтаар элсэн суралцаж буй оюутны сургалтын нэг кредитийн төлбөрийг тухайн бүрэлдэхүүн сургуулийн бакалаврын сургалтын нэг кредитийн төлбөрийг 1,2 дахин нэмэгдүүлж тооцно.
  – 2023-2024 оны хичээлийн жилд элсэгчдийн хувьд 120933*1.2=145,119.6 төгрөг;
  –  2022-2023 оны хичээлийн жилд элсэгчид буюу 2-р курсын  хувьд 92147*1.2=110,576.4 төгрөг;
  –  2021-2022 оны хичээлийн жилд элссэн оюутнуудын хувьд 92147*1.2=110,576.4 төгрөг;
• Магистрантурын сургалтын нэг кредитийн төлбөрийг тухайн бүрэлдэхүүн сургуулийн бакалаврын сургалтын нэг кредитын төлбөрийг 1,4 дахин тооцно.
  – 2023-2024 оны хичээлийн жилд элсэгчдийн хувьд 120933*1.4=169,306.2 төгрөг;
  –  2022-2023 оны хичээлийн жилд элсэгчид буюу 2-р курсын  хувьд 92147*1.4=129,005.8 төгрөг;
  –  2021-2022 оны хичээлийн жилд элссэн оюутнуудын хувьд 92147*1.4=129,005.8 төгрөг;
• Докторантурын сургалтын нэг кредитийн төлбөрийг тухайн бүрэлдэхүүн сургуулийн бакалаврын сургалтын нэг кредитын төлбөрийг 1.9 дахин тооцно.
  – 2023-2024 оны хичээлийн жилд элсэгчдийн хувьд 120933*1.9=229,772.7 төгрөг;
  –  2022-2023 оны хичээлийн жилд элсэгчид буюу 2-р курсын  хувьд 92147*1.9=175,079.3 төгрөг;
  –  2021-2022 оны хичээлийн жилд элссэн оюутнуудын хувьд 92147*1.9=175,079.3 төгрөг;
• Лицей сургуулийн сургалтын төлбөрийг жилийн 1200000 төгрөг

Шинжлэх Ухаан Технологийн Их Сургуулийн сургалтын стандартад 13-17 кредитийн хичээлд суралцаж буй оюутныг хэвийн ачаалалтай оюутан гэж тодорхойлно.

Сургалтын төлбөр нь тухайн оюутны хичээлийн улиралд цуглуулахаар төлөвлөсөн кредитийн тоо буюу ачааллаас хамаарах ба нэг улиралд 21 хүртэлх кредитийн хичээл сонголт хийх боломжтой.

Жич: Хүндэтгэх шалтгааны улмаас сургалтын төлбөрөө төлөх боломжгүй тохиолдолд сургалтын төлбөрийн 70%-иас дээш төлбөр төлсөн тохиолдолд төлбөр хойшлуулах батлан даалтын гэрээг хийнэ.

Сургалтын төлбөр бодох аргачилал:

Оюутан тухайн улирал 19 кредит хичээл сонгон судалсан бол 19*120,933=2,297,727 төгрөг тушаана.

ЗӨВХӨН БАКАЛАВР, МАГИСТРАНТУР, ДОКТОРАНТУРЫН СУРГАЛТЫН ТӨЛБӨР ТӨЛӨХ ДАНС:

Хүлээн авагч: ШУТИС ДаТС
Харилцах банк: Голомт
Харилцах данс: 4301 068 352

Төлбөр тушаах баримтад /оюутны овог нэр, анги, код/ бүрэн бичсэн байна.

Жич: Хэрэв хөдөө орон нутгаас банкаар дамжуулан төлбөр төлсөн тохиолдолд оюутан сургуулийн санхүүгээс төлбөр төлсөн баримтыг шүүлгэн тодорхойлолт хийлгэн сургалтын албанд авч өгнө.

Оюутнуудын анхааралд

Сургалтын төлбөр төлөхдөө дараах форматын дагуу гүйлгээний утгыг оруулна уу.
ST Оюутны код Регистр Овог Нэр Утас

Жишээ:

Товчилсон үсгийн тайлбар

ЛИЦЕЙН СУРГАЛТЫН ТӨЛБӨР, ТҮР СУРГАЛТ, ОЮУТНЫ ДОТУУР БАЙРНЫ ТӨЛБӨР, ТОГТМОЛ ЗАРДАЛ гэх мэт бусад ОРЛОГО ТУШААХ ДАНС:
Хүлээн авагч: ШУТИС ДаТС
Харилцах банк: Голомт
Харилцах данс: 8115 101 746

Төлбөр тушаах баримтад /оюутны овог нэр, анги, код/ бүрэн бичсэн байна.

Жич:

1. Хэрэв хөдөө орон нутгаас банкаар дамжуулан төлбөр төлсөн тохиолдолд оюутан сургуулийн санхүүгээс төлбөр төлсөн баримтыг шүүлгэн тодорхойлолт авч болно.
2. Төлбөр тооцооны асуудлаар лавлах бол тооцооны нягтлан бодогчтой холбогдоно уу.
Утас: 99052746

ШУТИС-ИЙН ОЮУТНУУДАД ОЛГОДОГ ТЭТГЭЛЭГ

• CУРГАЛТЫН ТӨРИЙН САНГИЙН ТЭТГЭЛЭГ
• ҮНДЭСНИЙ БОЛОН УРАМШУУЛЛЫН ТЭТГЭЛЭГ
• ЗАМЫН ЗАРДАЛ НӨХӨН ОЛГОЛТ
• ТЭТГЭЛЭГ, ХӨТӨЛБӨРҮҮД

ШУТИС-ийн оюутнуудад олгодог тэтгэлэг

https://www.must.edu.mn/media/uploads/2018/12/10/tetegleg-taniltsuulaga-new.pdf

• ОЮУТНЫ ХӨГЖЛИЙН ЗЭЭЛ
• ДЭЭД БОЛОВСРОЛЫН СУРГАЛТЫН БАЙГУУЛЛАГАД СУРАЛЦАГЧИД СУРАЛЦАГЧИЙН ТЭТГЭЛЭГ
• ШУТИС-ИЙН ОЮУТНУУДАД ОЛГОДОГ КРЕДИТ УРАМШУУЛАЛ
• ШУТИС-ИЙН ЗАХИРЛЫН НЭРЭМЖИТ ТЭТГЭЛЭГ
• МОНГОЛ УЛСЫН ЕРӨНХИЙЛӨГЧИЙН БОЛОН ЕРӨНХИЙ САЙДЫН НЭРЭМЖИТ ТЭТГЭЛЭГ
• ЗАМ, ТЭЭВРИЙН ХӨГЖЛИЙН САЙДЫН НЭРЭМЖИТ ШАГНАЛ
• ШУТИС-ИЙН ОЮУТНУУДАД ОЛГОДОГ ГАДНЫ БАЙГУУЛЛАГЫН НЭРЭМЖИТ ТЭТГЭЛЭГ
• “ТОЁОТО-ШУТИС” СУРГАЛТЫН САНГИЙН ТЭТГЭЛЭГТ ХӨТӨЛБӨР
• “СУМИТОМО КОРПОРАЦИ”-ИЙН ТЭТГЭЛЭГ ОЛГОХ ХӨТӨЛБӨР
• МИЦУБИШИ КОРПАРАЦИЙН ТЭТГЭЛЭГТ ХӨТӨЛБӨР
• БНСУ-ЫН “POSCO TJ PARK” САНГИЙН ТЭТГЭЛЭГТ ХӨТӨЛБӨР

Сургалтын төрийн сангийн тэтгэлэг

БСШУЯ-ны Сургалтын төрийн сан төрийн бодлого хөтөлбөрийн хүрээнд Монгол улсын магадлан итгэмжлэгдсэн их дээд сургууль болон гадаадын их дээд сургууль, коллежиудад суралцаж дээд боловсрол эзэмшиж буй оюутан залууст үндэсний болон урамшууллын тэтгэлэг, зээл, буцалтгүй тусламж олгох үйлчилгээг хэрэгжүүлэн зохион байгуулдаг.

Үндэсний болон урамшууллын тэтгэлэг

Сургалтын төрийн сангаас cуралцагчийн үндэсний болон урамшууллын тэтгэлгийг суралцагчийн картын дансанд хичээлийн жилийн улирал бүр шууд олгодог. Шинээр элссэн оюутан, суралцагчид хүссэн арилжааны банкиндаа данс нээлгэж, өөрийн картын дансны дугаар, болон иргэний үнэмлэхний хуулбарыг хичээлийн жилийн эхний 2 долоо хоногт багтаан хариуцсан сургалтын албаны ажилтанд өгөх ёстой.

Замын зардал нөхөн олголт

Сургалтын төрийн сангаас оршин суудаг газраасаа 500 километр болон түүнээс хол байршилтай их, дээд сургууль, коллежид зохих журмын дагуу элссэн суралцагчдын өвлийн амралтаар орон нутаг руугаа явсан, ирсэн 2 талын зардлыг холбогдох баримтыг нь үндэслэн авто тээврийн хэрэгслийн тарифаар тооцож  нөхөн олгодог.  

Тэтгэлэг, хөтөлбөрүүд

• ШУТИС-ИАС ОЛГОДОГ ТЭТГЭЛЭГ, УРАМШУУЛАЛ
• ДОТООДЫН ТЭТГЭЛЭГТ, ХӨТӨЛБӨРҮҮД

ОЮУТНЫ ХӨГЖЛИЙН ЗЭЭЛ

Монгол улсын Засгийн газрын 2018 оны 2 дугаар сарын 6-ны өдрийн 46 дугаар тогтоолоор “Оюутны хөгжлийн зээлийн журам” шинэчлэн батлагдаж ШУТИС-ийн бакалавр, магистр, докторын сургалтанд суралцаж байгаа дараах шаардлагыг хангасан оюутнуудад “Оюутны хөгжлийн зээл”-ийг сургуулиараа дамжуулан олгоно.

ДЭЭД БОЛОВСРОЛЫН СУРГАЛТЫН БАЙГУУЛЛАГАД СУРАЛЦАГЧИД СУРАЛЦАГЧИЙН ТЭТГЭЛЭГ

Дээд боловсролын санхүүжилт, суралцагчдын нийгмийн баталгааны тухай хуульд заасны дагуу дээд боловсролын сургалтын байгууллагын бакалаврын боловсрол эзэмших өдрийн ангид суралцаж байгаа Монгол Улсын иргэн, хоёр улсын Засгийн газар хоорондын хэлэлцээрийн дагуу Монгол Улсын дээд боловсролын сургалтын байгууллагад суралцаж байгаа гадаадын иргэнд тус тус сургалтын төлбөр, суралцагчийн тэтгэлэг, санхүүгийн дэмжлэгийг олгодог. Дараах тохиолдолд оюутан та суралцагчийн тэтгэлэгт хамрагдах боломжтой болно. Үүнд:

• Бүтэн өнчин
• Хөгжлийн бэрхшээлтэй эсхүл эцэг эх нь хөгжлийн бэрхшээлтэй
• Хөдөлмөрийн чадвараа бүрэн алдсан гишүүнтэй
• Нэг өрхийн 3 оюутан бакалаврын түвшинд зэрэг суралцаж байгаа

ШУТИС-ИЙН ОЮУТНУУДАД ОЛГОДОГ КРЕДИТ УРАМШУУЛАЛ

ШУТИС-ийн оюутнуудын нийгмийн идэвхи, оролцоог дээшлүүлэх, тэдний авьяас чадвар, хүсэл сонирхлыг нь урамшуулан дэмжих, хөгжүүлэх зорилгоор сурлага, эрдэм шинжилгээ, урлаг, спортын онцгой амжилт гаргасан шилдэг оюутнуудад урамшуулал олгодог.

ШУТИС-ИЙН ЗАХИРЛЫН НЭРЭМЖИТ ТЭТГЭЛЭГ

Оюутнуудын сурч боловсрох идэвхийг дээшлүүлэх, тэдний авьяас чадвар, хүсэл сонирхолыг нь урамшуулан дэмжих, хөгжүүлэх, эрдэм шинжилгээ, урлаг, спортын онцгой амжилт гаргасан шилдэг оюутнуудыг урамшуулах, амьдралын боломж муутай оюутнуудад дэмжлэг үзүүлэх зорилгоор амжилттай суралцаж байгаа бакалавр, магистр, доктор оюутнуудыг урамшуулахад оршино.

МОНГОЛ УЛСЫН ЕРӨНХИЙЛӨГЧИЙН БОЛОН ЕРӨНХИЙ САЙДЫН НЭРЭМЖИТ ТЭТГЭЛЭГ

Мэдлэг боловсрол, бүтээлч чанар, шинэ санаа, сайн үйлс, авъяас, ур чадварыг хөгжүүлэх, урамшуулан дэмжих зорилгоор үлгэр жишээ онцгой амжилт гаргасан бакалаврын хөтөлбөрийн өдрийн ангийн оюутнуудыг энэ тэтгэлэгт хамруулдаг.

ШУТИС-ИЙН ОЮУТНУУДАД ОЛГОДОГ ГАДНЫ БАЙГУУЛЛАГЫН НЭРЭМЖИТ ТЭТГЭЛЭГ

Гадаадын 20 гаруй байгууллага оюутнуудад тэтгэлэг олгодог бөгөөд ШУТИС-иас оюутнуудад дараах тэтгэлэг, урамшуулал олгодог. Үүнд:

• “ТОЁОТО-ШУТИС” СУРГАЛТЫН САНГИЙН ТЭТГЭЛЭГТ ХӨТӨЛБӨР
• “СУМИТОМО КОРПОРАЦИ”-ИЙН ТЭТГЭЛЭГ ОЛГОХ ХӨТӨЛБӨР
• МИЦУБИШИ КОРПАРАЦИЙН ТЭТГЭЛЭГТ ХӨТӨЛБӨР
• БНСУ-ЫН “POSCO TJ PARK” САНГИЙН ТЭТГЭЛЭГТ ХӨТӨЛБӨР