ДАРХАН ХОТ

Дархан – Уул аймгийг УИХ-ын 1994 оны 32-р тогтоолоор 1994 оны 5-р сард засаг захиргаа, нутаг дэвсгэрийн хувьд   Дархан, Шарын гол, Орхон, Хонгор гэсэн 4 сум, 24 багтайгаар өргөтгөн байгуулав.Манай улсын барилга, барилгын материалын үйлдвэрийн томоохон төв болсон энэ аймагт барилгын материалын, металл боловсруулах, нэхий, нэхий эдлэлийн, хүнсний   олон үйлдвэр, компаниуд бий.Тус аймаг нь дэд бүтэц сайн хөгжсөн, УБ-Алтанбулагийн чиглэлийн олон улсын автозам, УБ-   Сүхбаатарын олон улсын төмөр замын зангилаан дээр оршдог, төвийн эрчим хүчний системд холбогдсон, өндөр хурдны шилэн кабель, тоон системийн радио релейны шугам, хөдөлгөөнт холбооны үйлчилгээтэй, бусад аймгийг бодвол нийтийн найдвартай, тогтмол хямд тээврийн хэрэгсэлтэй, хүмүүсийн амьдралын өртөг багатай зэрэг давуу талуудтай. Дархан-Уул аймаг 3275 ам.дөр. км нутагтай. 92.4 мян. хүн амтай, 170 мян. малтай.Аймгийн төв нь Дархан сум (хот) юм.