Батлав: Захирал /Ц.Батбаатар/
“ДаТС-ийн Брэнд бүтээгдэхүүн” шалгаруулах уралдааны удирдамж
2022.02.10 ШУТИС-ийн Дархан-Уул аймаг дахь Технологийн сургууль
Нэг. Зорилго
ШУТИС-ийн Дархан-Уул аймаг дахь Технологийн сургуулийн профессор, багш, оюутан суралцагчдын шинэлэг, б
үтээлч санал санаачилгыг дэмжин дэлгэрүүлэх, сургалтыг судалгаа үйлдвэрлэлтэй холбон, инновацыг бий болгох, хөгжүүлэх, сургууль хамт олноо сурталчлах, лабораторийн орчинд үйлдвэрлэл эрхэлж байгаа оюутнуудын хөдөлмөр эрхлэлт, тогтвортой үйл ажиллагааг дэмжих бодлогоор ДаТС-ийн брэнд бүтээгдэхүүнүүдийг тодруулахад уг уралдааны зорилго оршино.
Хоёр. Шалгаруулалт
Хамрах хүрээ: ДаТС-ийн оюутан суралцагчид, профессор, багш, ажилтнууд хамрагдана.
Хугацаа: Уралдаанд оролцогчид бүтээгдэхүүн, түүнтэй холбогдох материалуудыг заасан хугацаанд шалгаруулалтыг зохион байгуулах ажлын хэсэгт ирүүлнэ.
- 2022 оны 4-р сарын 14-нд шалгаруулалтад оролцох бүтээгдэхүүний танилцуулгыг хүлээн авна.
- 2022 оны 4-р сарын 21-22-нд шалгаруулалтад оролцох бүтээгдэхүүнийг биетээр хүлээн авна.
- 2022 оны 4-р сарын 28-нд ДаТС-ийн Брэнд бүтээгдэхүүний үзэсгэлэн зохион байгуулж шалгарсан бүтээгдэхүүнүүдийг зарлана.
Гурав. Шалгуур үзүүлэлт
- ДаТС-ийн брэнд бүтээгдэхүүн нь сургуулийн онцлогийг шингээсэн лого, уриа, шошго, зурагтай байна.
- Бүтээгдэхүүн нь ДаТС-ийг сурталчлан таниулах, хүний хэрэгцээг хангах зорилгод нийцсэн бэлэг дурсгал болон бусад ямар ч хэлбэрээр байж болно.
- Бүтээгдэхүүн нь ижил төстэй бусад бүтээгдэхүүнүүдээс ялгарахуйц онцлог шинж, үзэмж, хийц, загварыг агуулсан байна.
- Бүтээгдэхүүнийг сургуулийн орчинд үйлдвэрлэсэн байх шаардлагатай.
- Бүтээгдэхүүн нь стандарт, эрүүл ахуйн шаардлага хангасан тогтмол үйлдвэрлэх боломжтой байна.
- Инновац буюу шинэ бүтээл, ашигтай загвар /оюуны өмч/ дээр тулгуурлан үйлдвэрлэсэн бол давуу тал болно.
Дөрөв. Шагнал, урамшуулал
- Тэргүүн байр /1 бүтээгдэхүүн/: өргөмжлөл, 500000₮
- Дэд байр /1 бүтээгдэхүүн/: өргөмжлөл, 350000₮
- Тусгай байр 1 бүтээгдэхүүн: өргөмжлөл, 150000₮
- Бүх оролцогчдод талархал гардуулна.
Материал, бүтээгдэхүүнүүдийг ДаТС-ийн Хичээлийн 2-р байрны 403 тоотод хүлээн авна.
ДаТС-ийн Захиргаа. Эрдмийн Зөвлөл