Ахлах сургуулийн эрхэм зорилго: Зөв харилцаа хандлагатай, өв соёлоо дээдэлсэн, бие даан суралцах чадвартай Монгол иргэн төлөвшүүлэх

Ахлах сургууль нь 1991 оноос  хойш  одоог хүртэл 35 жил тасралтгүй үйл ажиллагаагаа амжилттай  явуулж байна. Ерөнхий эрдмийн тэнхимээс санаачлан ТИС-ийн захирлын 1991 оны 133-р тушаал,  Дархан хотын Боловсролын хэлтсийн даргын тушаалыг үндэслэн Дархан хот дахь салбар сургуулийн дэргэд  хоёр жилийн сургалттай лицей салбарыг байгуулж 19 сурагч элсүүлж 1993 онд анхны төгсөлтөө  хийж байв.

Математик, физик, химийн төрөлжсөн / хуучнаар гүнзгийрүүлсэн/ сургалттай лицей сургууль сургалт явуулсны үр дүнд 883 сурагч төгссөнөөс бүгд гадаад, дотоодын их дээд сургуульд 100% элсэн суралцаж байна. Тус ахлах сургууль нь  ЭШ-ийн дундаж оноогоор Дархан-Уул аймагтаа тогтмол өндөр  амжилттай үзүүлдэг бөгөөд 2010, 2013, 2016, 2022, 2025 онуудад элсэлтийн шалгалтын дундаж оноогоороо Дархан-Уул аймагтаа тэргүүлжээ. Мөн 2019 онд чанарын үнэлгээгээр  Монгол улсын шилдэг 20 сургууль, 2025 онд ЭШ-ийн дундаж оноогоороо улсын шилдэг 60 сургуулийн 23-т тус тус эрэмбэлэгдэж, аймаг, бүс, улс, олон улсын олимпиад, уралдаан тэмцээнд тогтмол амжилт үзүүлсэн амжилттайгаар үйл ажиллагаагаа явуулж байна.

Алсын хараа: Чанартай боловсрол, чадварлаг хамт олон

Сургуулийн сургалтын үйл ажиллагааны онцлог

• Сургуулийн үйл ажиллагааг хамтын менежментийн системээр удирддаг
• Багшийн хөгжил, тогтвортой ажиллах боломжийг дэмжсэн тогтвортой бодлоготой
• Эцэг эх-багш-сурагч гурвалсан холбоог дэмжин ажилладаг
• Хүүхэд бүрт ээлтэй харилцааг дээдэлсэн хамтын ажиллагааны орчин бүрдүүлсэн
• Их сургуулийг түшиглэсэн орчин үеийн лабораториудтай
• Математик, физик, химийн гүнзгийрүүлсэн сургалттай
• Англи хэлний олон улсын шалгалтуудын стандартад баримжаалсан тусгай хөтөлбөртэй, мэргэжлийн гадаад багштай

Амжилт 

• Ерөнхий боловсролын сургалтын чанар, үр дүнг тодорхойлж, бодлого төлөвлөлтийг сайжруулах зорилготой “БОЛОВСРОЛЫН ЧАНАРЫН ҮНЭЛГЭЭ-2019” судалгаагаар улсын хэмжээнд III байрт шалгарлаа.
•  ЭЕШ-ийн дундаж оноогоор 2010, 2013, 2016 онуудад улсын шилдэг 20 сургуульд шалгарсан.
• 2017 онд Дархан-Уул аймгийн Боловсрол соёл, шинжлэх ухаан,спортын салбарын оны тэргүүний шагнал болох “Эрдмийн лавай” шагналаар шагнагдсан.
• 2017 онд АНУ-ын элчин сайдын яамнаас зарласан Student for service төсөлд 11-р ангийн сурагчдын баг шалгарч 1000$ санхүүжилтээр дохионы хэл сурах гар утасны хөтөчийг бүтээсэн. 
• 2017 онд ШУТИС-ийн Дарханы Технологийн сургуулийн оны “Шилдэг хамт олон”-оор шалгарсан.
• 2018 онд Дархан-Уул аймгийн БСУГ-аас 3 үе шаттай зохион байгуулсан багш нарыг индексжүүлэх шалгалтын үнэлгээгээр Матемтикийн багш Т.Оюунцэцэг, физикийн багш З.Лхамхүү нар аймгийн ТОП багшаар шалгарсан. 
• 2019 онд Learning Enterprise олон улсын сайн дурын байгууллагатай хамтран орон нутгийн 180 сурагчдад үнэ төлбөргүй англи хэлний нэг сарын сургалтыг амжилттай зохион байгуулсан.

Сүүлийн 5 жилд сургуулийн хэмжээнд тогтмол хийж, хэрэгжүүлсэн шинэ санаачлага 

7 хоног бүр сургууль дээр явагдсан ажлаа дүгнэж “Баярлалаа” үйл ажиллагааг зохион байгуулж, шилдэг байсан, шагнал авсан, ахиж дэвшсэн сурагчиддаа талархал илэрхийлж хэвшсэн.

Лицей салбарын түүхэн товчоон

Ерөнхий эрдмийн тэнхимээс санаачлан ТИС-ийн захирлын 1992 оны 133-р тушаал, Дархан хотын Боловсролын хэлтсийн даргын тушаалыг үндэслэн Дархан хот дахь салбар сургуулийн дэргэд хоёр жилийн сургалттай лицей салбарыг байгуулж 19 сурагч элсүүлж 1993 онд анхны төгсөлтөө хийж байв. 

2019 оноос БСШУСЯ-ны гаргасан шийдвэрээр ШУТИС-ийн ДаТС-ийн харьяа ерөнхий боловсролын ахлах сургууль нэртэйгээр үйл ажиллагаагаа явуулж байна. 

Лицей салбарын үе үеийн эрхлэгч, сургалтын менежерүүд:

• Доктор, дэд профессор П.Эрдэнэбат
• Улсын тэргүүний бүтээлч багш Ж.Зандаргомий
• Доктор, профессор М.Гонгор
• Доктор, профессор Б.Батгэрэл
• Хэл шинжлэлийн ухааны магистр Д.Чулуунтөмөр
• Математикийн багш, Магистр Т.Оюунцэцэг
• Доктор Мянган
• Математикийн багш, Магистр М.Ган-Эрдэнэ

Үе үеийн төгсөгчдийн анги удирдсан багш нарыг он дарааллаар нь жагсаавал:

• 2023 онд 6 сурагч SAT олон улсын шалгалт өгч 800 оноогоор дүйцүүлсэн.
• 2014 оноос хойш хөгжингүй орнуудын ЗГ-ын тэтгэлэгээр болон хувийн зардлаараа 50 гаруй сурагч Австрали, Япон, АНУ, Герман, Турк, Унгар, Польш, Хятад, ОХУ, Тайвань, Япон, Солонгос зэрэг улсуудад суралцаж байна.

2025-2026 оны хичээлийн жилд үндсэн багш 8, гэрээт багш 4, сургалтын менежер 1, хичээл зохицуулагч 1  гэсэн бүрэлдэхүүнтэй сургалтын үйл ажиллагаа явагдаж байна.