“ПРОГРАММ ХАНГАМЖ” ХӨТӨЛБӨР
ПРОГРАММ ХАНГАМЖИЙН ИНЖЕНЕРЧЛЭЛ
БАКАЛАВР: Өдөр 4 жил
МЭРГЭЖЛИЙГ ЭЗЭМШСЭНЭЭР:
• Мэдээллийн технологийн компанид системийн ахлагч, программист, программ хангамжийн инженер, өгөгдлийн сангийн администратор, программ хөгжүүлэгч, вэб дизайнер, вэб хөгжүүлэгч, апп хөгжүүлэгч, системийн шинжээч, системийн
менежер, тестлэгч
• Төр, засгийн ба хувийн хэвшлийн байгууллагад программ хангамжийн төслийн менежер, программ хангамжийн системийн дизайнер ба шинжээч, программ зохиогч, өгөгдлийн сангийн администратор, вэб мастер, IT инженер, сүлжээний инженер, мэдээллийн системийн хөгжүүлэгч
• Үүрэн телефон холбооны үндэсний операторуудад программын албаны ахлах ажилтан, программ хөгжүүлэгч, өгөгдлийн сангийн хөгжүүлэгч, сүлжээний инженер, сүлжээний аюулгүй ажиллагааны инженер
• Банк болон банк бус санхүүгийн байгууллагуудад IT инженер, сүлжээний инженер
• Үйлдвэр, аж ахуйн нэгжүүдэд программист, мэдээлэл технологийн ажилтан
• Үндэсний олон нийтийн радио, телевизийн газарт IT инженер, сүлжээний инженер, вэб дизайнераар тус тус ажиллах боломжтой.
Програм хангамж зохиогч нь ашиглаж байгаа болон шинээр боловсруулсан программ хангамж, үйлдлийн системд тавигдах шаардлагыг судлан дүгнэх, эдгээр шаардлагад нийцүүлэн программ хангамжийн шийдэл зохиох, боловсруулах, шалгах, хадгалах үүрэг гүйцэтгэнэ.
Программ Хангамж бакалаврын хөтөлбөрийн зорилго нь программ хангамжийн инженерчлэлийн онол, хэрэглээний сайн боловсролыг олгох замаар мэргэжлийн болон төрийн байгууллагад бүтээлчээр ажиллах мэргэжилтэн бэлтгэх явдал юм.
Эзэмших ур чадвар:
Программ хангамж ХӨТӨЛБӨРИЙН БОЛОВСРОЛЫН ЗОРИЛТ (PEO) нь дараах чадвартай төгсөгч/мэргэжилтэн бэлтгэхэд оршино:
Зорилт 1: Инженерийн мэдлэгээ компьютерийн системийн хэцүү асуудлыг шийдэхэд бүтээлч, шинэлэг байдлаар ашиглах
Зорилт 2: Техник болон программ хангамжийн дэвшилтэт технологийг тогтмол судлан эзэмшиж, компьютерийн системийн асуудлын шийдэлд ашиглах
Зорилт 3: Бизнес, шинжлэх ухаан, эсвэл төрийн байгууллагын компьютерийн системийн программ хангамжийн зохиомжийн шийдэлд бүтээлч хувь нэмрээ оруулагч программ хангамж хөгжүүлэх багийн үр ашигтай гишүүн байх.
Ажлын байр:
Мэдээллийн технологийн компани, төрийн болон төрийн бус байгууллага, боловсрол, эрдэм шинжилгээний байгууллагад программ зохиогч, вэб мастер, системийн шинжээч болон өгөгдлийн сангийн болон сүлжээний администратор, сүлжээний инженер, мэдээллийн технологийн мэргэжилтэн, багш, судлаачаар ажиллана.