“БИЗНЕСИЙН УДИРДЛАГА” ХӨТӨЛБӨР
БИЗНЕСИЙН УДИРДЛАГА
БАКАЛАВР: Өдөр 4 жил
МАГИСТР: 1,5-2 жил
МЭРГЭЖЛИЙГ ЭЗЭМШСЭНЭЭР
• Санхүүгийн менежер, хөрөнгө оруулалтын менежер
• Байгууллагын үндсэн үйл ажиллагааны менежер
• Бизнесийн орчны судлаач
• Төслийн менежер
• Эдийн засагч, эрсдэлийн шинжээч, санхүүгийн шинжээч
• Бүртгэл санхүүгийн ажилтан, даатгалын зуучлагч
• Хянан шалгагч, улсын байцаагч, судлаач
• Үнэт цаасны компанид хөрөнгө зохицуулалтын менежер, хөрөнгийн шинжээч, брокер, диллер
• Арилжааны банкинд теллер, эдийн засагч
• Аж ахуйн нэгжийн нягтлан бодогч, ерөнхий нягтлан бодогч,
татварын байцаагч
• Төрийн болон бизнесийн байгууллагад санхүүгийн мэргэжилтэн
зэрэг чиглэлээр ажиллах боломжтой
Бизнесийн удирдлага нь санхүүгийн төдийгүй бизнесийн шинжээч юм. Байгууллагын шийдвэр гаргалтын хүрээн дэх санхүүгийн үйл ажиллагааг шинжлэх, нөөцийг үр ашигтай төлөвлөх, хуваарилах, хянах, хөрөнгө оруулалтын оновчтой багц бүрдүүлэх, эрсдлийн удирдлагыг хэрэгжүүлэх арга, аргачлалуудыг байгууллагын орчинд хэрэглэх мэдлэг, ур чадвар эзэмшүүлэхэд чиглэнэ.
Эзэмших ур чадвар:
- Хувь хүний манлайлах, багаар ажиллах, бусдын үзэл бодлыг хүндэтгэн зөвшилцөж шийдвэр гаргах, хариуцлага хүлээх чадвар эзэмших;
- Мэдээллийн технологийг ашиглан өгөгдөл, тайлан мэдээ боловсруулах, шинэ мэдлэг олж авах, бие даан суралцах;
- Банк, санхүүгийн байгууллагын үйл ажиллагааг удирдах, шийдвэр гаргах эрх зүйн болон онол, практикийн ур чадвар эзэмших;
- Бизнесийн байгууллагын үйл ажиллагаанд санхүүгийн шинжилгээ, судалгаа хийх, бизнесийн ба санхүүгийн эрсдлийг үрьдчилан тооцоолж үнэлэлт дүгнэлт гаргах, санхүүгийн таамаглал, төсөв төлөвлөгөө зохиох ур чадвар эзэмших;
- Үнэт цаасны болон даатгалын байгууллагын үйл ажиллагаатай холбоотой санхүүгийн аливаа шийдвэр гаргах, байгууллагын бэлэн мөнгөний удирдлагыг амжилттай хэрэгжүүлэх, санхүүгийн үйл ажиллагаанд хяналт тавих;
- Улсын болон орон нутгийн төсвийн орлого бүрдүүлэлт, зарлага, санхүүжилт, төсвийн тэнцлийг төлөвлөх, татвар, төрийн сан, бусад төрийн байгууллагын санхүүгийн үйл ажиллагааг төлөвлөх, зохион байгуулах, хянах;
- Санхүүгийн зах зээл дээрээс хөрөнгө татан төвлөрүүлэх, хөрөнгийг оновчтой байршүүлах, хөрөнгийн бирж, брокер, диллерийн компанийн үйл ажиллагааг удирдах.
Ажлын байр:
Санхүүгийн зах зээлд өөрийн гарааны бизнесийг эхлүүлэн хөгжүүлж амжилттай авч явахаас гадна банк санхүү, брокер, дилерийн компани, арилжааны болон нийгмийн даатгал, татвар, төрийн болон бизнесийн байгууллагын санхүүгийн үйл ажиллагааг удирдан зохион байгуулах чиглэлээр дараах ажлын байранд ажиллах боломжтой.