“МЕХАНИК ИНЖЕНЕР” ХӨТӨЛБӨР
БАРИЛГА ЗАМЫН МАШИН ТӨХӨӨРӨМЖ
БАКАЛАВР: Өдөр 4 жил
МЭРГЭЖЛИЙГ ЭЗЭМШСЭНЭЭР
• Барилга, барилга угсралтын ажлын өөрөө явагч хүнд машин
механизмын ашиглалтын инженер
• Зам байгуулалтын ажлын машин тоног төхөөрөмжийн ашиглалтын
инженер
• Карьерын үйлдвэрлэлийн машин тоног төхөөрөмжийн механик
инженер
• Төр ба хувийн хэвшлийн бүх төрлийн үйлдвэрлэлийн тоног
төхөөрөмж хариуцсан механик инженер
• Барилга, замын үйлдвэрлэлийн хөдөлмөрийн аюулгүй байдал, эрүүл
ахуйн инженер
• Мэргэжлийн хяналтын байгууллагад хүнд машин механизм,
өргөх тээвэрлэх машин хариуцсан хяналтын улсын байцаагч зэрэг
чиглэлээр ажиллах боломжтой.
“Барилга замын машин төхөөрөмж” мэргэжил нь барилга, зам, уул уурхайд ашиглагдаж байгаа өөрөө явагч хүнд машин механизм болон суурин тоног төхөөрөмжийн засвар, ашиглалт, захиалгыг хариуцан зохион байгуулах, төрөл бүрийн машин механизмыг техникийн онолын дагуу төслөж, зохион бүтээх, ажилтан, ажиллагсдад тоног төхөөрөмжийн сургалт, сурталчилгааг хариуцан явуулах зэрэг өргөн чиг үүрэгтэй ажиллана.
Эзэмших ур чадвар:
-Тоног төхөөрөмжийн засвар, ашиглалт, захиалгын ажлыг гардан зохион байгуулах
-Техникийн зохион бүтээх онолын дагуу төрөл бүрийн машин тоног төхөөрөмж, эд ангийн зураг төслийг хийх,
-Техникийн зохион бүтээх онол, тоног төхөөрөмжийн сургалт, техникийн аюулгүй байдлын сургалтыг явуулах.
Ажлын байр:
Барилга, зам, уул уурхайн үйлдвэрүүдэд механик инженер, бүх шатны сургалтын байгууллагад техникийн онол, тоног төхөөрөмжийн сургалтын багш, улсын мэргэжлийн хяналтын байгууллагад өргөх тээвэрлэх, хүнд машин механизмын улсын байцаагч зэрэг ажил, албан тушаалд ажиллана.