“ХҮРЭЭЛЭН БУЙ ОРЧНЫ ИНЖЕНЕР” ХӨТӨЛБӨР
УСАН ХАНГАМЖ, УС ЦЭВЭРЛЭГЭЭ
(сантехникийн инженер)
БАКАЛАВР: Өдөр 4 жил
МЭРГЭЖЛИЙГ ЭЗЭМШСЭНЭЭР:
• Ус сувгийн байгууллагад инженер (хот бүх аймгийн төвүүдэд)
• Дулааны шугам сүлжээний байгууллагад угсралт, ашиглалтын
инженер (хот бүх аймгийн төвүүдэд)
• Орон сууц ашиглалтын байгууллагад инженер
• Барилгын угсралтын компанид сантехникийн угсралтын
инженер
• Барилгын зураг төслийн байгууллагад зураг төслийн инженер
• Үйлдвэрийн газруудад сантехникийн инженер
• Мэргэжлийн боловсролын байгууллагад багш, судлаач
• Салбарын төрийн байгууллагад мэргэжилтэн зэрэг чиглэлээр
ажиллах боломжтой
Хүн амын унд ахуйд хэрэглэж байгаа байгалийн усны найрлагыг тогтоож, ус цэвэрлэгээний технологийн аргуудаас сонгон төлөвлөж, байгалийн усны найрлага, онцлог ба ус цэвэрлэгээний аргуудыг судалж мэднэ. Ус хангамжийн системийн зориулалтаас хамааруулж байгалийн усны физик, хими, бактерлогийн найрлагыг үндэслэн цэвэрлэх аргыг сонгож байгууламжийн тооцоог хийх чадвартай болно Хот суурин газрын хүн амын ундны усны найрлагыг УСТ 900-92 зөвшөөрөгдөх хэмжээнд хүртэл цэвэрлэх арга технологийн үндсийг тогтоох дадалыг эзэмшинэ.
Хот суурин газрын усан хангамжийн иж бүрэн цогцолбор систем, түүний харилцан уялдаатай ажиллах зарчимыг судална. Хот суурин газрын хүн ам болон ахуйн хэрэглээнд хэрэглэж буй усан хангамжийн системийн барилга байгууламжийн харилцан уялдааны тухай мэдлэг эзэмшинэ. Усан хангамжийн системийн цагираг шугамын гидравлик тооцоо, өргөлтийн насосны станцын тооцоо болон тойм схемийн сонголт, түүний материалын түүврийг хийх чадвартай болно
Бүх төрлийн барилгын зориулалтанд тохируулан халуун, хүйтэн усан хангамж, бохир ус зайлуулах, хог хаягдлыг зайлуулах системийг төсөллөж тооцоо хийх мэдлэгтэй болно.
Барилгын дотор халуун, хүйтэн ус түгээх систем, бохир ус зайлуулах системийг төлөвлөж тооцоо хийх чадвартай болно.
Эзэмших ур чадвар:
- Хот суурийн газрын гадна цэвэр, бохир усны шугам сүлжээг төлөвлөх, төсөллөх.
- Бүх төрлийн барилга байгууламжийн доторх цэвэр, бохир усны шугам хоолойг төлөвлөх, төсөллөх мөн угсралт ашиглалтанд хяналт тавих.
- Усан хангамж, ариутрах татуургын системийн хийц, элемент, тоног төхөөрөмжийн угсралт, ашиглалтанд хяналт тавих.
- Цэвэр усан хангамж, бохир ус зайлуулах систем болон цэвэр, бохир усны цэвэрлэх байгууламжийн горимийг тохируулах.
- Инженерийн програм дээр ажиллах, мэргэжлийн гадаад хэлээр харьцах.
- Харилцааны болон багаар ажиллах чадваруудыг тус тус эзэмшинэ.