ШУТИС-ийн Дархан Технологийн сургууль үүсгэн байгуулагдсаны 25 жилийн ойг угтан “Эрүүл хүнс-2016” эрдэм шинжилгээний хурлыг зохион байгуулж байна.
Хурлын зорилго:Хүнсний шим тэжээл, хүнсний чанар, аюулгүй байдал, эрүүл мэндийн чиглэлийн инновацийн бүтээгдэхүүн, судалгаа боловсруулалтын ажлын үр дүнг сурталчлан нийтийн хүртээл болгох, хүнс үйлдвэрлэлийн салбарт тулгамдаж байгаа асуудлыг хамтран шийдэх хамтын ажиллагааг өргөжүүлэх, харилцан туршлага солилцоход оршино.
Хурал зохион байгуулах хугацаа:Эрдэм шинжилгээ, онол практикийн бага хурал 2016 оны 5 дугаар сарын 06- ний 10 цагт ШУТИС, Дархан Технологийн Сургуулийн хурлын танхимд болно.
Өгүүлэл, илтгэл хүлээн авах хугацаа:Өгүүллийг 2016 оны 4дүгээр сарын 22 хүртэл lkha_dr@yahoo.com цахим хаягаар хүлээн авна.
Хуралд ирүүлсэн бүх өгүүлэл, илтгэлийг эмхэтгэж гаргана.
Эрдэм шинжилгээний хуралд хэлэлцүүлэх илтгэлүүдийн жагсаалтыг 4 дүгээр сарын 29-ны дотор илтгэгч нарт мэдэгдэх болно.
Хурлын хөтөлбөрийг энд дарж татаж авч үзнэ үү.
Эрдэм шинжилгээний өгүүлэл нь дараах хэсгүүдтэй байна. Үүнд:
- Өгүүллийн нэр
- Зохиогчийн овог нэр, хаяг
- Өгүүллийн хураангуй
- Түлхүүр үг
- Өгүүллийн оршил
- Өгүүллийн үндсэн хэсэг
- Дүгнэлт
- Ишлэл татсан ном, зохиолын нэрс
- Зохиогчийн тухай
Өгүүллийг Microsoft Office Word 2013 программыг ашиглан Times New Roman фонт дээр 12pt үсгийн өндрийг сонгон бичнэ. Математик бичлэгүүд Equation програмаар мөр голлон бичигдсэн байна. Өгүүллийг А4 хэмжээний цаасан дээр хуудасны дээд, доод талаас 3 см, баруун болон зүүн талаас 2,5 см зайг үлдээж бичнэ. Өгүүллийг бичихдээ header, footer, footnote командыг ашиглахгүй. Мөн хуудасны дугаар тавихгүй. Өгүүллийн агуулгыг 6 хуудсанд багтаасан байна.
Хурал зохион байгуулагч: ШУТИС. ДаТС. Технологийн салбар
]]>