ШУТИС-ийн Дархан-Уул аймаг дахь Технологийн Сургуулийн 2015-2016 оны хичээлийн жилийн Багш нарын эрдэм шинжилгээний бага хурлыг тус сургуулийн Эрдмийн Зөвлөл, Оюутны Зөвлөлтэй хамтран 2016 оны 03 дугаар сарын 26-ны өдөр зохион байгуулж, салбаруудаас шалгарсан 24 илтгэлийг хэлэлцэв. Энэ хичээлийн жилийн хурлын хувьд тус сургуулийг үүсгэн байгуулсны 25 жилийн ойд зориулан зохион байгуулагдаж байгаагаараа онцлог юм. Энэ хичээлийн жилд эрдэм шинжилгээний хурлуудад илтгэл тавих багш нарт илтгэлээ танилцуулга /presentation/ болон өгүүлэл хэлбэрээр стандарт шаардлагын дагуу бичиж өгөх шаардлага тавин ажиллаж, тодорхой ахиц гарсан нь залуу судлаач багш нарыг судалгааны арга зүйд сургах сургуулийн бодлоготой уялдаж байгаа болно. Хуралд хэлэлцсэн 24 илтгэлээс дараах илтгэлүүд шалгаран, ДаТС-ийн Захиргаанаас шагнаж урамшууллаа. Үүнд:

I байр: “Керамзитэн дүүргэгчтэй сийрэгжүүлсэн бетоны бүтцийн онцлог” Илтгэгч: М.Атарцэцэг /докторант/, Ж.Амгалан /док (Ph.D) дэд проф/

II байр: “Дархан хотын агаар орчны бохирдлын онцлог, цаашдын чиг хандлага” Илтгэгч: Э.Оролмаа /докторант/, М.Гонгор /док (Ph.D), дэд проф/ III байр: “Цэвэрлэх байгууламжийн хаягдлыг бетонд эрдэс нэмэлтээр ашиглах боломжийн судалгаа” Илтгэгч: Х.Жанчивдорж /док (Ph.D)/ Тусгай байр: “Эгэл баврангаас (PTERIDIUM AQUILINUM (L.) KUHN) пектин гаргах технологийн судалгаа” Илтгэгч: Д.Лхагвадолгор /докторант/ Тусгай байр: “ДаТС-ийн гадна дулаан, цэвэр усны шугамын горимын тохируулгын судалгаа” Илтгэгч: Н.Эрдэнэбаяр /Магистр/ Хурлын шүүгчээр: Захирал Ц.Батбаатар /Док (Ph.D) дэд проф/, ЭНБДарга Д.Баясгалан /Док (Ph.D) дэд проф/, Дэд захирал Я.Батцэцэг /Док (Ph.D)/, Технологийн салбарын дэд профессор Б.Оюунчимэг /Док (Ph.D)/, Технологийн салбарын дэд профессор Х.Жанчивдорж /Док (Ph.D)/, Инженерчлэлийн салбарын ахлах багш Ж.Бат-Эрдэнэ /Магистр/ нар тус тус ажиллав. Эрдэм шинжилгээний хуралд амжилттай оролцсон судлаач багш нарынхаа цаашдын эрдэм судлалын ажилд өндөр амжилт хүсье.

 ЭРДМИЙН ЗӨВЛӨЛ ОЮУТНЫ ЗӨВЛӨЛ

]]>