Дархан-Уул аймгийн Стандарчлал Хэмжил зүйн Хэлтэс, ШУТИС Дархан-Уул аймаг дахь Технологийн сургуулийн Инженерчлэлийн салбар, БНСУлсын Койка ОУБ-ын гишүүн Ким Жин Ил нар хамтран Дэлхийн чанарын өдрийг тохиолдуулан жил бүрийн 11 дүгээр сарын эхэнд уламжлал болгон зохион байгуулсаар ирсэн ОПБХурлыг “Гэгээлэг Мөрөөдөл” сэдвийн дор аймгийн хэмжээнд зохион байгуулж шилдэг илтгэлүүдийг шалгарүүлж байр эзлүүллээ.
Уг хуралд Ургамал Газар Тариалангийн Хүрээлэн, Мэргэжлийн Хяналтын Газар, “ДСЦТС” ХК (Дархан Сэлэнгийн Цахилгаан Түгээх Сүлжээ), “Дархан Дулааны Цахилгаан Станц” ДДЦС ТӨХК, “Дархан меат фүүдс” ХХК, Дархан-Уул аймаг дахь Технологийн сургууль, Анагаахын Шинжлэх ухааны үндэсний их сургууль, Дархан Өргөө ПТК, Оюуны-Ирээдүй цогцолбор сургууль, Дархан дээд сургуулийн судлаач эрдэмтэн багш, оюутнууд өөрсдийн бүтээл судалгааны ажлаараа оролцсон нь энэхүү хурлын цар хүрээ улам өргөжин тэлж байгаагаар онцлогтой болж өнгөрлөө.
Хуралд урилгаар БНСУлсын Койка ОУБ-ын гишүүн Ким Жин Ил “ISO Quality Management System“, “ДДЦС” ТӨХК-ийн Чанарын менежер Б.Сэлэнгэ “Бүтээмж чанарын үйл ажиллагаа” сэдвүүдээр зочин илтгэл тавьлаа.
Шалгарсан илтгэлүүд: Албан хаагч, багш нарын хүрээнд:I байр ШУТИС-н ДаТС-ийн Технологийн салбар эрхлэгч (PhD) Ж.Амгалангийн “БАРИЛГЫН МАТЕРИАЛЫН ҮЛ ЭВДЭХ СОРИЛТЫН ЗАРИМ ҮР ДҮН” сэдэвт илтгэл ,
II байр УГТХ-ийн мэргэжилтэн докторант П. Алтантуяагийн “БАЙЦААНЫ ОВГИЙН ШИНЭ ТАРИМЛУУДЫН БҮТЭЭГДЭХҮҮНТ ЧАНАРЫН СУДАЛГАА” сэдэвт илтгэл,
I байр АШУҮИС-ДАУС, Лабораторийн техникчийн ангийн оюутан З. Оюунтогтохын “ХҮҮХДИЙН ХЯЛГАСАН ХОРХОЙН ӨНДӨГ ИЛРҮҮЛЭХ ГРЕХЭМИЙН АРГЫГ МОНГОЛ УЛСЫН СТАНДАРТАД НИЙЦҮҮЛЭХ НЬ” сэдэвт илтгэлүүд тус тус шалгарлаа.
ОПБХуралд оролцсон эрдэмтэн судлаач, албан хаагч, багш, оюутан нартаа цаашдын ажил хөдөлмөр, сурлагын өндөр амжилтыг хүсэн ерөөе.
“Гэгээлэг Мөрөөдөл 2015” ОПБХурлын зохион байгуулагч
]]>