Сургуулийн орчинд тамхи татах явдлыг багасгаж оюутан залуучуудад тамхины хор уршгийг таниулах зорилгоор 7 хоног бүрийн лхагва гарагийн их завсарлагааг тамхигүй өнгөрүүлэхийг уриалж энэхүү аянг “Тамхи шинэ үеийн сонголт биш, тамхигүй эрүүл орчинг хамтдаа бүтээцгээе” уриан дор ТМО-3 ангийн хамт олон 2016 оны 04 сарын 13-ы өдөр эхлүүллээ.

Уг аяны хүрээнд тамхины сөрөг нөлөөллийн талаар зурагт хуудсуудыг сургууль дотор байрлуулж, тамхины хор уршгийн талаар товч мэдээлэл хүргэлээ. Мөн их завсарлагааны үеэр сургуулийн ойр орчимд тамхи татаж буй оюутнуудад тамхины оронд чихэр идэхийг санал болгож, чихэр тараасан бөгөөд “Тамхины хор уршиг” сэдвийн дор шүлгийн тэмцээн явуулж оролцсон оюутнуудыг шагнаж урамшууллаа.

Энэ аяныг үргэлжлүүлэхийг С.Саруулболд багштай МҮТИ-3 ангийн хамт олноос хүсч, тус  “Challenge”-д нэгдэхийг уриалж байна.

Техник, мэргэжлийн орчуулагчийн III анги

]]>