ШУТИС-ийн Дархан-Уул аймаг дахь Технологийн сургууль 46 дахь удаагийн төгсөлтийн баяраа 2020 оны 1 сарын 23 ны өдөр ёслол төгөлдөр тэмдэглэн өнгөрүүллээ.
2019-2020 оны хичээлийн жилийн намрын улиралд ШУТИС-ийг 1127 оюутнан төгсөж байгаагийн 153 нь Дархан-Уул аймаг дахь Технологийн сургуулийн төгсөгчид буюу 41 магистр, 104 бакалавр /онцлох дипломтой 4 оюутан/ зэрэг, 8 оюутан мэргэжлийн дипломоо тус тус гардан авлаа.
Төгсөлтийн ёслолын ажиллагаанд ШУТИС-ийн ДаТС-ийн захирал, салбар тэнхимийн эрхлэгчид, эрдмийн зөвлөлийн гишүүд, эрдэмтэн багш нар, төгсөгчид, тэдний эцэг, эх, гэр бүл оролцлоо. ДаТС-ийн захирал Ц. Батбаатар үг хэлж, төрийн дуулал, морин хуур эгшиглүүлэн ёслолын ажиллагааг нээлээ.
2019 онд БНСУ-д Техникийн ухааны докторын зэрэг хамгаалсан Технологийн салбарын ахлах багш доктор С.Болортуяа, цахилгаан систем мэргэжлээр онцлох дипломтой төгсөгч, “ШУТИС-ийн шилдэг төгсөгч”-ийн нэг О.Өлзийхутаг, МҮТИ -ийн мэргэжлээр техникийн ухааны магистрийн зэрэгтэй төгсөгч М.Ханбүргэд нар мэндчилгээ дэвшүүллээ.
Сургуулиа амжилттай төгсөж байгаа нийт оюутнууддаа цаашдынх нь ажил, амьдралд хамгийн сайн сайхан бүхнийг хүсье.
СУРГУУЛИЙН ЗАХИРГАА
Суурь Шинжлэх Ухааны Тэнхим