Монгол улсад банкны салбар үүсч хөгжсөний 101 жилийн ойд зориулж, жил бүр уламжлан их дээд сургуулийн эрдэмтэн багш судлаачид, оюутан залуучуудын дунд банк санхүүгийн салбарын өнөөгийн нөхцөл байдлыг судлан тулгамдаж буй асуудлуудыг тодорхойлох, цаашдын хөгжлийн чиг хандлагыг төсөөлөх зорилгоор “БАНК САНХҮҮ-2022” онол, практикийн бага хурлыг Дархан-Уул аймаг дахь Монголбанкны хэлтсийн хамт олонтой хамтран зохион байгууллаа.
Тус хурлын бүтээлүүдийг эрдэм шинжилгээний эмхтгэл болгон гаргахад хамтын ажиллагааны хүрээнд ивээн тэтгэгчээр оролцсон Дархан-Уул аймаг дахь Голомт банкны салбарын хамт олонд талархъя.
ЗОЧИН ИЛТГЭГЧЭЭР
1.Монголбанкны ерөнхий эдийн засагч Д.Ган-Очир /Док Sc.D/ “Банкны салбарын шинэчлэл: Боломж ба эрсдэл “
2.Дархан-Уул аймгийн БСУГ-ын дарга С.Галбадрах /Док Ph.D, дэд проф/ “Банк санхүүгийн салбарын тулгамдсан асуудлууд” сэдвээр цахим болон танхимаар оролцлоо.
ШҮҮГЧДИЙН БҮРЭЛДЭХҮҮНД: ШУТИС, Дархан Технологийн сургуулийн ИС –ын доктор дэд проф А.Баяр
Дархан-Уул аймаг дахь Монголбанкны Хэлтсийн ахлах нягтлан бодогч Д.Жаргалсүрэн
Дархан-Уул аймаг дахь Голомт банкны Бизнес төвийн захирал Т.Давагжамц
СУДЛААЧИЙН ТӨРӨЛД:
1-р байр: “Төсөвт байгууллагад санхүүгийн хяналт шалгалт хийсэн үр дүн” ШУТИС, ДаТС-ийн “Санхүүгийн удирдлага”-ын магистрант Ш.Нарантунгалаг
2-р байр: ” Комплаенсын төлөв байдлын судалгааны дүн” ШУТИС, ДаТС-ийн ИС-ийн дэд профессор Я.Батцэцэг /Док Ph.D3-р байр: ”Арилжааны банкуудын өрсөлдөх чадварт хийсэн судалгаа” ДУА-н арилжааны банкуудын жишээн дээр” ХУИС, ДУА дахь Хүмүүнлэгийн дээд сургуулийн багш О.Мөнхбаяр
ОЮУТНЫ ТӨРӨЛД:
1-р байр: “Үнэт цаасны оновчтой багцыг бүрдүүлэх нь” ШУТИС, ДаТС-ийн СУ-4 ангийн оюутан Б.Мишээлт, Удирдагч багш С.Алтанцоож
2-р байр: “Арилжааны банкуудын тэтгэврийн зээлийн зарим асуудал” ХУИС, ДУА дахь Хүмүүнлэгийн дээд сургуулийн оюутан М.Ренчинбалдан, Удирдагч багш О.Мөнхбаяр
3-р байр: Арилжааны банкны ашигт ажиллагаанд нөлөөлсөн хүчин зүйлийн шинжилгээ /Төрийн банкны жишээн дээр/ ШУТИС, ДаТС-ийн СУ-4 ангийн оюутан Б.Болортунгалаг, Удирдагч багш Д.Эрдэнэчулуун нар тус тус эзэллээ. Судлаачийн төрөл дахь бүтээлийг Дархан-Уул аймаг дахь Монголбанкны хэлтэс, оюутны төрөл дахь бүтээлийг Голомт банк Дархан салбар, ХААН банк, Төрийн банкууд ивээн тэтгэж өргөмжлөл, мөнгөн шагналаар шагнав. Хурлын ерөнхий ивээн тэтгэгч Дархан-Уул аймаг дахь Монголбанкны хэлтэс, Дархан-Уул аймаг дахь Голомт банкны салбар болон ШУТИС Дархан Технологийн сургууль, ХААН, Төрийн банк, ДУА дахь Их Дээд сургуулийн төлөөллүүд та бүхэндээ талархъя.
Та бүхний цаашдын эрдэм судлалын ажилд өндөр амжилт хүсье!
Зохион байгуулах комисс: ШУТИС, ДаТС, ИС менежментийн багш нар