ШУТИС-ийн оюутнуудын сурч боловсрох идэвхийг дээшvvлж, авъяас чадварыг хөгжүүлэхэд дэмжлэг үзүүлэх зорилгоор сурлага сайтай, тэргүүний оюутнуудад Ректорын нэрэмжит тэтгэлгийг 2007 оноос олгож эхэлсэн бөгөөд жил бүрийн хичээлийн Шинэ жилийн нээлтийн ёслолын ажиллагааны үеэр гардуулдаг уламжлалтай билээ.

ШУТИС-ийн “Ректорын нэрэмжит тэтгэлэг”-т хамрагдах тэргүүний оюутнуудыг шалгаруулах үндсэн үзүүлэлт

1. Захирлын нэрэмжит хуудсанд 3 улирал дараалан бичигдсэн байх; 2. Сурлагын голч дүн хамгийн өндөртэй байх; 3. Сургалтын төрийн сангаас бусад оюутны тэтгэлгийн санд хамрагдаагүй байх;

Ректорын нэрэмжит тэтгэлэгт бүрэлдэхүүн сургууль тус бүрээс 1 оюутныг тодорхойлох бөгөөд “Ректорын нэрэмжит тэтгэлэг” олгуулах асуудлыг сургалтын албадын санаачилснаар тухайн сургуулийн захиргаа, оюутны байгууллагатай хамтарсан хурлаар хэлэлцэж оюутны тодорхойлолт, бусад холбогдох материал болон тэтгэлэг олгуулах тухай хурлын протоколын хамт хавсаргаж Оюутны хөгжил, үйлчилгээний алба /1-327 тоот өрөө/-д 08 сарын 27-ны дотор ирүүлнэ үү.

Тэтгэлэгт хамрагдах оюутны бүрдүүлэх материал

1. Сургуулийн тодорхойлолт (дэлгэрэнгүй); 2. Сурлагын дүнгийн тодорхойлолтыг улирлаар хэвлэж баталгаажуулсан байх; 3. Оюутны дэлгэрэнгүй анкетыг http://202.5.195.20/StudentApp/ хаягаар бөглөж хэвлэсэн байх; 4. Шагнал урамшуулал, бүтээл, ЭШ-ний хуралд оролцсон хөтөлбөрийн хуулбар;

Оюутны хөгжил, үйлчилгээний алба