Оюутнуудын тулгамдаж буй асуудал, бэрхшээлийг нээн илрүүлж, түүнийг шийдвэрлэх арга замыг хамтдаа хайн, шийдэл гарцыг тодорхойлох, зөв төлөвшүүлэх, мэдлэгийг хэрхэн өөрийн болгох талаарх эрдэмтдийн үзэл онолыг таниулах, эзэмшүүлэх зорилгын хүрээнд “ОЮУТАН ГЭЖ ХЭН БЭ?” сэдэвт арга хэмжээг оюутны дотуур байранд 2022.10.19-ний өдөр 19:00-21:00 цагийн хооронд шинээр элсэгч 58 оюутанд амжилттай зохион байгууллаа. 
Уг арга хэмжээнд орсон оюутнууд сургалтын үйл ажиллагаанд идэвхи санаачлагатай чин сэтгэлээсээ оролцож, өөрт тулгарч буй асуудлуудыг илэн далангүй ярилцаж, түүнээс гарах шийдлийг хамтдаа эрэлхийлсэн бүтээлч оройг өнгөрүүллээ. 
Оюутнуудад тулгамдаж буй асуудлуудааас дурдвал :
Бие даалтын ажлын гүйцэтгэлийн тайлбар
Цагийн менежментийн талаарх мэдлэг хомс
Багш нарын харилцааны соёл
Гуанзны хоолны амт, үнэ тарифын асуудал
Хөдөлмөр эрхлэх /цагийн ажил/ зуучлах
Интернетийн хурд, хүртээмжийн асуудал
Оюутны сонирхол, хоббиг хөгжүүлэх клуб
Бие даах чадварыг хөгжүүлэх чиглэлийн сургалт зэрэг асуудлуудыг хөндсөн байна.
#Суурь_шинжлэх_ухааны_тэнхим, Багш Г.Болдбаатар, Д.Дунгаамаа, Ж.Каламхас