БНСУ-ын Пукёон үндэсний их сургуулийн инженерийн салбарын профессор Ван Жэй Пил ШУТИС ДаТС-д ажлын айлчлал хийлээ.

Тус сургууль нь МУ-ын Шинжлэх ухаан Технологийн их сургуультай сургалт, эрдэм шинжилгээ судалгаа, Бакалавр, магистр, докторын түвшний оюутан солилцооны хөтөлбөрүүдийг хэрэгжүүлэхээр хамтран ажиллах ”Санамж бичиг” байгууллаа.

ШУТИС ДаТС Пукёон үндэсний их сургуулийн профессор Ван Жэй Пилтэй 2020 оны 6-р сард анх холбогдож хамтран ажиллах санал тавьж хоёр сургуулийн удирдлагууд цахим /zoom/ уулзалтуудыг хийж хамтын ажиллагаагаа эхлүүлж байсан.

Жишээлбэл: Механик инженерээр суралцаж буй оюутнуудын бие даан ажиллах, дадлагажих орчин нөхцлийг дэмжин 36,5 сая төгрөгний үнэ бүхий ”реторт” зуухыг хандивлаж байсан. Мөн манай сургуулийн 2 багш тус сургуульд суралцан доктор /Ph.D/-ын зэргээ амжилттай хамгаалаад байна.

Хамтран ажиллах санамж бичигт заагдсаны дагуу хэрэгжүүлэх ажил, хамтын ажиллагаа цаашид улам өргөжин тэлнэ гэдэгт итгэлтэй байна.

Бид дэлхийд өрсөлдөх оюуны үнэ, цэнийг бүтээнэ.

Дэлхийн жишгээр сурч, сэтгэж, бүтээцгээе