ШУТИС ДаТС-ийн “Эрчим хүч, мэдээллийн технологийн салбарын хөгжил – 2023” улсын эрдэм шинжилгээний хурал 2023.12.08-ны өдөр амжилттай явагдаж өндөрлөлөө. 
Хурлыг нээж ШУТИС ДаТС-ийн ЭНБДарга док, дэд проф Д.Баясгалан, ЭХМТС-ын эрхлэгч док Б.Уянгасайхан нар нээж үг хэллээ.
Энэ удаагийн хуралд Зочин илтгэгчээр:
МУ-ын гавьяат багш, төрийн соёрхолт, зөвлөх профессор, академич Д.Содномдорж (Sc.D)
МУ-ын гавьяат багш, төрийн соёрхолт, зөвлөх профессор, академич С.Батмөнх (Sc.D)
“Эрдэнэс таван толгой” ХК, Мэдээлэл технологийн албаны ахлах шинжээч Б.Атарцэцэг
“Ханап хангал зээрд” ХХК-ийн захирал Д.Амарсанаа нар илтгэл хэлэлцүүллээ.
Үндсэн илтгэл 12, зочин илтгэл 4, ханын илтгэл 8 нийт 24 илтгэл хэлэлцэгдсний дотор ОХУ-ын Буриад улсын Иркутск, Улан-Үдэ хотоос 2 илтгэгч, Тажикстан улсын нэг илтгэгч оролцож өөрсдийн судалгааны ажлаа танилцуулснаараа онцлог байлаа.
Шилдэг илтгэгчээр:
I байр – Ч.Сугаррагчаа (Ph.D), Б.Пүрэвтогтох (Sc.D), Б.Орхонтуул (Ph.D)
“Технологийн тээврийн машины ашиглалтын зэрэглэлийг оновчлох нь”
II байр – Тыхеев А.В. Главный инженер Улан-Удэнская ТЭЦ-1
“Система автоматического регулирования (САР) котла БКЗ-75-39 Улан-Удэнской ТЭЦ-1”
III байр – Х.Идэр, Б.Уянгасайхан (Ph.D), Ц.Лхам-Оролмаа ШУТИС-ДаТС
“Цахилгаан дамжуулах агаарын шугамын тулгуурын насжилтын судалгаа”
IV байр – Ч.Эрдэнэтулга Багануур ХК, Б.Лхагва ШУТИС-ДаТС
“Багануур ХК-ийн уулын машин тоног төхөөрөмжийн бүтээлийг мэдээллийн систем нэвтрүүлж нэмэгдүүлэх судалгаа”
Шилдэг ханын илтгэгчээр:
I байр – Б. Эрдэнэбулган УБЭҮ, Ч.Сугаррагчаа Ph.D ШУТИС-ДаТС
“Автосамосвалын жолооч-операторчийн ур чадварыг үнэлэх боломж”
сэдэвт илтгэлүүд тус тус шалгарлаа.
Хурлыг сонирхож “Дархан төмөрлөгийн үйлдвэр” ТӨХК, “Дархан Дулааны сүлжээ” ТӨХК, “Дархан дулааны цахилгаан станц” ТӨХК, “Шарын гол” ХК уурхайн цахилгаан, дулаан, автоматжуулалт, IT инженер болон сургалтын инженерүүд хүрэлцэн ирж оролцлоо.
Уламжлал болгон зохион байгуулдаг ээлжит хурлыг маань дэмжин ажилласан сургуулийн захиргаа, албан байгууллага, үйлдвэрийн газрууддаа баярласан талархсанаа илэрхийлье!
ХҮНДЭТГЭСЭН: ДаТС-ийн Эрчим хүч, мэдээллийн технологийн салбар
2023-12-08