ШУТИС ДаТС-ийн 2023-2024 оны хичээлийн жилийн БАКАЛАВР ОЮУТНЫ ЭРДЭМ ШИНЖИЛГЭЭНИЙ БАГА ХУРАЛ уламжлал ёсоор 2024.03.14-ний өдөр зохион байгуулагдаж, тэнхим салбар бүрээс шалгарсан 15 илтгэл хэлэлцэгдлээ.
Уг хуралд тавигдсан илтгэлүүдийн хувьд өөр өөр салбар, мэргэжлийн, шинэлэг санаа, асуудал дэвшүүлж, үйлдвэрлэл, хэрэглээнд нэвтрүүлэх боломжтой, сонирхолтой, илтгэлүүд байсан бөгөөд оролцогсдын хувьд илтгэх чадвар сайтай, өөртөө итгэлтэй, хөгжих хүсэл эрмэлзэлтэй манлайлагч оюутнууд байсныг хурлыг зохион байгуулагчид болон шүүгч эрдэмтэн багш нар тэмдэглэж үнэллээ.
Шагналт байруудад дараах илтгэлүүд шалгарч, дараагийн шатны /ШУТИС, Дархан-Уул аймгийн ИДМСК-ын/ эрдэм шинжилгээний хурлуудад орох эрхтэй болов. Үүнд:
Тэргүүн байранд Инженерчлэлийн салбарын багш С.Алтанцоож СУ-ийн 4-р курсийн оюутан Ж.Айжан “Даатгалын зах зээлийн эрсдэлийг үнэлэх нь”
2-р байранд Инженерчлэлийн салбарын багш салбарын багш Ц.Мөнхцэцэг удирдсан МЕТИ- ийн 3-р курсийн оюутан О.Мягмартогтох, Г.Хүрэлбаатар нарын “Металлжсан хорголж үйлдвэрлэх технологийн судалгаа”
3-р байранд Эрчим хүч, мэдээллийн технологийн салбарын багш Х.Идэр удирдсан ЦС-ын 4-р курсийн оюутан Э.Сарангоо “Сүлжээний оновчтой схем сонгох математик загвар”сэдэвт илтгэлүүд тус тус шалгарч, өргөмжлөл, кредитийн урамшууллаар шагнагдав.
Хуралд илтгэлээ амжилттай хэлэлцүүлсэн судлаач-оюутан, удирдсан эрдэмтэн-багш, судлаачдынхаа цаашдын эрдэм судалгааны ажилд улам өндөр амжилт хүсье!