ШУТИС ДаТС-ийн 2023-2024 оны хичээлийн жилийн хаврын улирлын 56 дахь удаагийн “Төгсөлтийн баяр”-ын ёслолын үйл ажиллагаа 2024.06.14-ний өдөр ёслол төгөлдөр зохион байгуулагдлаа.
Энэ удаагийн төгсөлтөөр бакалаврын зэрэгтэй 122, магистрын зэрэгтэй 38, нийт 160 оюутан төгссөнөөс “Онцлох диплом”-той 4 оюутан диплом, энгэрийн тэмдгээ гардаж авлаa. Онцлох дипломтой төгсөгчөөр:
Программ хангамжийн инженер мэргэжлээр Б.СОЛОНГО (GPA 3.93)
Иргэний ба үйлдвэрийн барилгын инженер мэргэжлээр Ж.ЧИНГИС (GPA 3.7)
Программ хангамжийн инженер мэргэжлээр Г.БАЯРСАЙХАН (GPA 3.67)
Хүнсний чанар, аюулгүй байдал мэргэжлээр Б.ЦОГДЭЛГЭР (GPA 3.61)нар тус тус суралцаж бакалаврын хөтөлбөрийг онцлох дипломоор сурлагын үр дүнгээ мялаалаа.
Төгсөлтийн ёслолын ажиллагаанд ДаТС-ийн эрдмийн зөвлөлийн гишүүд, төгсөгчид түүний эцэг эх, зочид төлөөлөгчид, эрдэмтэн багш нар оролцлоо.“Төгсөлтийн баяр”-ын ёслолын үйл ажиллагааг нээж ДаТС-ийн Захирал, доктор, дэд профессор Ц.Батбаатар, СЧА-ын дарга доктор Н.Одонтуяа нар нээж үг хэллээ.
Ёслолын үйл ажиллагааны төгсгөлд төгсөгч оюутнууд тангараг өргөж, малгай шидэлтийн баяраа хийж ёслолын үйл ажиллагаа амжилттай өндөрлөлөө.