Доржи Банзаровын нэрэмжит Буриадын Их Сургуулийн Эрдэм шинжилгээ эрхэлсэн проректор Виктория Владимировна Номогоева тэргүүтэй төлөөлөгчид ШУТИС-ийн Дархан-Уул аймаг дахь Технологийн сургуульд айлчиллаа.

Айлчлалын үеэр зочид сургуулийн удирдлага, Захирлын зөвлөлийн гишүүдтэй уулзаж, хамтын ажиллагааны чиглэлээр санал бодлоо солилцлоо. Мөн төлөөлөгчид сургуулийн сургалтын орчин, материаллаг баазтай биечлэн танилцаж, лаборатори, танхимын нөхцөл байдлын талаар сонирхлоо.

Хоёр талын уулзалтын үр дүнд сургалт, эрдэм шинжилгээний ажлын чиглэлээр харилцан ашигтай хамтран ажиллахаар тохирлоо.

Энэхүү айлчлал нь Монгол, Буриадын их, дээд сургуулиудын хоорондын хамтын ажиллагааг өргөжүүлэх, оюутан багш нарын солилцоог идэвхжүүлэх, шинжлэх ухааны салбарын харилцааг гүнзгийрүүлэхэд чухал алхам болно гэж үзэж байна..

Сургуулийн захиргаа