Монголын багш нарын 58 дахь өдөр, ШУТИС-ийн 65 жилийн ойн баярыг тохиолдуулан Дархан-Уул аймаг дахь Технологийн сургуулийн Суурь шинжлэх ухааны тэнхимээс санаачлан орчин үеийн дэвшилтэт тоног төхөөрөмж бүхий “English Language Hybrid Classroom”-ийг байгууллаа.

Тус кабинетийг ашигласнаар англи хэлний хичээлд цахим, танхим хосолсон сургалтын арга зүйг баяжуулах, ашиглах сургалтын таатай орчин бүрдэж суралцагчдыг тэгш хамруулах, тэдний ялгаатай байдлыг хүндэтгэх, зэрэгцэн орших сургалт явуулах, цахим технологийн ур чадвар, ёс зүйг хэрэглээнд хэвшүүлэхээс гадна оюутнууд В2 түвшний буюу CEFR шалгалтыг өгөх боломжтой болох юм.

“English Language Hybrid Classroom”-ийг байгуулахад дэмжлэг үзүүлсэн ШУТИС-ийн Захиргаа, ДаТС-ийн Захиргаа, нийт хамт олондоо талархал илэрхийлье.

Суурь шинжлэх ухааны тэнхим
2024.10.04