#ШУТИС_ДаТС-ийн 2024-2025 оны хичээлийн жилийн #намрын_улирлын 57 дахь удаагийн “Төгсөлтийн баяр”-ын ёслолын үйл ажиллагаа 2025 оны 1 дүгээр сарын 20-ны өдөр ёслол төгөлдөр зохион байгуулагдлаа. Энэ удаагийн төгсөлтөөр ШУТИС-ийг 794 оюутан төгсөж байгаагаас ДаТС- ийг 119 оюутан төгсөн гарч байна. Үүнд бакалаврын зэрэгтэй 98, магистрын зэрэгтэй 21 оюутан төгсөж байна. Мөн ДаТС- ийн 4 оюутан ШУТИС-ийн онцлох дипломтой төгслөө. Төгсөлтийн ёслолын ажиллагаанд ДаТС-ийн Эрдмийн зөвлөлийн гишүүд, төгсөгчид, эцэг эх, зочид төлөөлөгчид, профессор багш нар оролцлоо. “Төгсөлтийн баяр”-ын ёслолын үйл ажиллагааг нээж ДаТС-ийн Захирал, доктор, дэд профессор Ц.Батбаатар, СЧА-ын дарга доктор Н.Одонтуяа нар нээж үг хэллээ. Мөн БМТИ мэргэжлийн ахмад төгсөгч, ШУТИС-ийн Хүндэт профессор Д.Батсүрэн, Инженерчлэлийн салбарын ахлах багш доктор С.Саруулболд болон шилдэг төгсөгчид, төгсөгчдийн эцэг, эхийн төлөөлөл хүндэтгэл үзүүлж төгсөгч оюутнуудад хандаж үг хэллээ. Ёслолын үйл ажиллагааны төгсгөлд төгсөгч оюутнууд тангараг өргөж, малгай шидэж төгсөлтийн баяр амжилттай зохион байгуулагдлаа.Хамтран зохион байгуулсан СШУТ- ийн хамт олонд баярлалаа.

Сургуулийн Захиргаа
Эрдмийн Зөвлөл