ШУТИС-ийн ДаТС-ийн эрдмийн хамт олон Эрдмийн зөвлөлийн санаачлагаар “Шинжлэх ухааны ажилтан”-ны өдрийг 2018 оны 11 сарын 23-нд тэмдэглэн өнгөрүүлэв. Уг арга хэмжээний үеэр салбар, тэнхим бүр багш нарынхаа оюуны өмч, эрдэм шинжилгээ, судалгааны бүтээлээр үзэсгэлэн гаргаж оролцов.

Энэхүү арга хэмжээний хүрээнд ЭНБД Д.Баясгалан тус сургуулийн ЭША-ын товч тайланг /1991-2018/ , Шинжлэх ухааны тэргүүний ажилтан доктор, дэд профессор Ц.Батбаатар эрдэм шинжилгээ судалгааны ажлыг гүйцэтгэх өөрийн арга туршлагаасаа хуваалцсан бөгөөд доктор, дэд проф Ч.Ганзориг, доктор Р.Цэцэгмаа, Э.Оролмаа, багш Я.Бат-Очир нар оюуны өмчийн эрх авсан бүтээлийнхээ тухай танилцууллаа.

Мөн энэ үеэр 2018 оны 10 сард ОХУ-д докторын зэрэг амжилттай хамгаалсан ЭХМТС-ын багш Б.Уянгасайхан судалгааны ажлаа танилцуулж, хэлэлцүүлэг өрнөв.

Мөн МУ-ын Оюуны өмчийн газрын Хяналтын хэлтсийн дарга Д.Бат-Эрдэнэ тус сургуулийн Эрдмийн зөвлөлийн хүсэлтээр “ Оюуны өмчийн менежмент” сэдвээр сургалт явуулан багш нарын сонирхсон асуултад хариулж мэдээлэл өглөө. Ийнхүү “Шинжлэх ухааны ажилтан”-ны өдрийн арга хэмжээ ДаТС-ийн эрдэмтэн судлаач багш нарын хувьд онол практикийн ач холбогдолтой, бүтээлч үйл ажиллагаа болж өндөрлөлөө.

“Шинжлэх ухааны ажилтан”-ны өдөрт идэвхтэй оролцсон эрдэмтэн судлаач-багш нарынхаа сургалт, судалгааны ажилд өндөр амжилт хүсье!