МЕТАЛЛ БОЛОВСРУУЛАЛТЫН ТЕХНОЛОГИЧ ИНЖЕНЕРИЙН ХӨТӨЛБӨР

МАШИН ҮЙЛДВЭРЛЭЛИЙН ТЕХНОЛОГИ /мэргэжил/

Мэргэжлийн танилцуулга

Суралцагч оюутнууд инженерийн суурь болон мэргэшүүлэх хичээлүүдийг үзэж металлын ангилал, бүтэц, шинж чанар, туршилт, тооцооны үндэс, стандартчиллын тухай үндсэн ойлголт, металл боловсруулах технологийн үндэс, эд анги үйлдвэрлэх технологийн процесс, зоролтын онол, металл зорох багаж, хэрэгсэл, суурь машины ажиллах зарчим, механик боловсруулалтын нарийвчлал, түүнд нөлөөлөх хүчин зүйлс, боловсруулалтын дараах гадаргууны чанар, машин ба эд ангийн ашиглалтын нөхцөл, ажиллах чадвар, найдварт ажиллагааны онол, элэгдлийн онолын үндэс, сэргээн засварлах арга, тоон удирдлагатай машинаар металл боловсруулах, CAD, CAM, CAE систем, загварчлал (симуляци) хийх, салбарын бизнес, менежмент, удирдлага, зохион байгуулалтын үндсийг судлах болно.

 

Сургалт явуулах хэлбэр

Бакалавр: Өдөр /3.5-4 жил/

Магистр:  Өдөр /1.5-2 жил/

 

Эзэмших мэдлэг, ур чадвар хандлага

• Бүх төрлийн машины эд ангийн ажлын зургийг стандарт баримт бичгийн дагуу үйлдэх,
• Тоон системийн удирдлагагай машин дээр боловсруулалт хийх
• Тоног төхөөрөмж, суурь машин, зорох болон хэмжих багаж хэрэгсэл зохион бүтээх,
• Хэмжих арга, хэрэгслээ зөв сонгон хэрэглэх
• Сэргээн засварлах үндэслэлийг зөв тодорхойлж, тохирох арга, технологийг сонгож ашиглах
• Металл боловсруулалтаар загварчлал (симуляци) хийх
• Орчин үеийн мэдээллийн технологийг ашиглан өгөгдөл, үр дүн боловсруулах, шинэ мэдлэг олж авах, бүтээлчээр тасралтгүй бие даан суралцах,
• Үйлдвэрлэлийн үйл ажиллагааг удирдах онол, практикийн ур чадвар эзэмших,
• Бизнесийн харилцааны болон хувь хүний манлайлах, багаар ажиллах, бусдын үзэл бодлыг хүндэтгэн зөвшилцөж шийдвэр гаргах, хариуцлага хүлээх.

 

Ажлын байрны чиглэл, албан тушаал

• Монголын томоохон үйлдвэрүүдэд /Эрдэнэт үйлдвэрийн Засвар-механикийн завод, Дулааны цахилгаан станцууд, Төмөр зам, Экобус, Монгол машин индустриал, Геомаш гэх мэт/ дарга, ерөнхий болон технологич инженер, зохион бүтээгч, мастер
• Уул уурхай, хөдөө аж ахуй, хөнгөн, хүнсний үйлдвэрүүдэд зохион бүтээгч, засварын болон механик инженер
• Хувийн жижиг, дунд үйлдвэр ажиллуулах, төрийн ба төрийн бус байгууллагад ажилтан Их, дээд сургууль, мэргэжлийн сургалт үйлдвэрлэлийн төв, эрдэм шинжилгээний байгууллагад багш, судлаач

 

Мэргэжлийн эрэлт хэрэгцээ, ирээдүйн чиг хандлага

Монгол Улсад 1.5 сая тонн түүхий тос боловсруулах хүчин чадалтай “Газрын тос боловсруулах үйлдвэр”-ийн төсөл 2021 оны IV улиралд хэрэгжиж дуусна. Бүтээн байгуулалтын хугацаанд нийт 1 тэрбум гаруй ам.долларын хөрөнгө оруулалт хийгдэж, валютын орох урсгал нэмэгдсэнээр макро эдийн засгийн тэнцвэрийг хангана. Үйлдвэрийг дагаж 30 төрлийн дагалдах үйлдвэрүүд байгуулагдаж аж үйлдвэрийн салбарын нийт үйлдвэрлэл 30 орчим хувиар нэмэгдэнэ. Энэ нь машин үйлдвэрлэлийн технологи мэргэжлийн эрэлт, хэрэгцээг нэмэгдүүлэх болно.

 

Багшлах боловсон хүчин

Хөтөлбөрийг хэрэгжүүлэгч хамт олны хувьд олон жилийн туршлагатай, багаар ажиллах чадвар, эрдмийн потенциал өндөртэй хамт олон болж төлөвшиж чадсан. Бакалавр, магистрын сургалт эрхлэх нийтлэг журмын шаардлагыг бүрэн хангаж 4 доктор /1 профессор, 2 дэд профессор/, 3 ахлах багш /магистр/, 2 багш /магистр/, 2 сургалтын мастер гэсэн нийт 11 хүний бүрэлдэхүүнтэйгээр хөтөлбөрийг хэрэгжүүлж байна.

 

Салбарын эрхлэгч:

Доктор (Ph.D), дэд профессор Ч.Ганзориг

Зочин профессорууд:

Доктор (Ph.D), профессор Д.Алтангэрэл

Доктор (Ph.D), дэд профессор Д.Чулуунцэцэг

Ахлах багш:

Доктор (Ph.D) У.Эрдэнэболд

Магистр З.Лачинцэрэн

Магистр Ц.Мөнхцэцэг

Магистр С.Саруулболд

Багш:

Магистр М.Эрдэнэ-Очир

Магистр Ц.Баярмаа

Сургалтын мастер:

Магистр Б.Хурбаяр

Б.Батсайхан