Монголын багш нарын баярын өдрийг тохиолдуулан Дархан-Уул аймгийн Их Дээд Мэргэжлийн Сургуулиудын Консерциумын багш нарын баярын хурал амжилттай зохион байгуулагдлаа

Хурлын арга хэмжээний үеэр оюутан сурагчдадаа эрдэм мэдлэг түгээх их үйл хэрэгт амжилт гаргаж, үр бүтээлтэй ажиллаж яваа ДаТС-ийн багш нар маань дараах шагналаар шагнагдлаа.

Профессор Д.Оюунбилэгийн илтгэл ИДМСК-ын Эрдэм шинжилгээний хурлын Техник технологийн чиглэлээр тэргүүн байр, Ахлах багш М.Дэлгэрмаагийн илтгэл ИДМСК-ын Эрдэм шинжилгээний хурлын Нийгэм эдийн засаг, хүмүүнлэгийн чиглэлээр тэргүүн байрт тус тус шалгарсан бөгөөд 2018-2019 оны хичээлийн жилд докторын зэрэг амжилттай хамгаалсан Суурь шинжлэх ухааны тэнхимийн эрхлэгч Б.Сувд-Эрдэнэ, Эрчим хүч мэдээллийн технологийн салбарын багш Б.Уянгасайхан, Технологийн салбарын багш С.Болортуяа нарт хүндэтгэл үзүүллээ.

Спортын 4 төрөлт тэмцээний Шатрын төрөлд С.Галбадрах ахлагчтай баг тамирчид “Алтан медаль”       “ТЕННИС”-ний төрөлд Д.Баясгалан ахлагчтай эмэгтэй баг тамирчид “Алтан медаль”, Х.Булгантамир ахлагчтай эрэгтэй баг тамирчид “Хүрэл медаль”, Гар бөмбөгийн төрөлд Л.Оюунчимэг ахлагчтай эмэгтэй баг тамирчид, Б.Батсайхан ахлагчтай эрэгтэй баг тамирчид тус тус “Хүрэл медаль”,  сагсан бөмбөгийн төрлөөр С.Баяржавхлан ахлагчтай эмэгтэй баг тамирчид “Хүрэл мелдаль” тус тус  хүртсэн амжилт гаргалаа.

Дархан-Уул аймгийн ИДМСК-ийн шилдгээр шалгарсан багш нартаа үе үеийн шавь нарынх нь өмнөөс халуун баяр хүргэж, сурган хүмүүжүүлэх ариун үйлсэд нь өндрөөс өндөр амжилтыг хүсье.

Сургуулийн захиргаа