Эрчим хүч, мэдээллийн технологийн салбарын цахилгаан систем мэргэжлийн багш нар 2013-2014 оны хичээлийн жилээс эхлэн тасралтгүй 7 дахь жилдээ сургалтаа зохион явуулж байна. ЦДҮС ТӨХК, ЦТС ТӨХК-ууд, цахилгаан түгээх тусгай зөвшөөрөл эзэмшигч хувийн хэвшлийн байгууллагууд, ДЦС ТӨХК-ууд жилийн ажлын төлөвлөгөөндөө тусгаж сургалтын захиалга хийх хэмжээнд хүртэл цар хүрээгээ өргөжүүлжээ. Энэ хугацаанд 72 инженер техникийн ажилтан мэргэжил дээшлүүлж СЕРТИФИКАТ гардан авсан байна.

Энэ хичээлийн жилийн “ЭХС-ийн РЕЛЕ ХАМГААЛАЛТ”-ын мэргэжил дээшлүүлэх 10 хоногийн 80 цагийн сургалтыг 2019.11.04 – 2019.11.15-ны өдрүүдэд амжилттай явууллаа. Сургалтанд ЦДҮС ТӨХК-ий Төвийн бүс, Хангайн бүс, Зүүн-Өмнөд бүс, Говийн бүс, Улаанбаатар салбарын 9, Эрдэнэт-Булганы ЦТС ТӨХК-ий 1, “Хөтөл цемент шохой” ХК-ий 1, нийт 11 инженер техникийн ажилтан хамрагдлаа.

Бидний сургалтын үйл ажиллагааг дэмжин харилцан хамтран ажилладаг ЭХС-ийн харьяа үйлдвэр, албан байгууллагууддаа талархал илэрхийлье.