Эрдэм номын баярыг угтаж эрүүл орчин, эрүүл агаар сэдэвт цэвэрлэгээг ШУТИС-ийн ДаТС-ийн “Суурь шинжлэх ухааны тэнхим”-ийн багш нар анх удаагаа санаачлан 2015 оны 08 дугаар сарын 28-ны өдөр 10.00 цагаас 13.30 цагийн хооронд ногоон бүс Хараа голын эрэг дагуу цэвэрлэгээг зохион байгуулж доорх ажлуудыг хийж гүйцэтгэлээ. Үүнд:

1. Хараа голын эрэг орчим 2. Эрдэнэтийн гүүрний Дархан-Уул аймаг талын 2 га газар болон модтой талбайн цэвэрлэгээ 3. Хараа голын эргийн дагуу байрлалтай хогийн пункерийн ойр орчмын бүх хогийг цэвэрлэсний зэрэгцээ гадна талд унасан бүх хогийг өөрсдийн нөөц бололцоогоо ашиглан цэвэрлэсэн.

Цэвэрлэгээнд нийт 25 багш оролцож, цэвэрлэгээнээс гарсан 28 шуудай энгийн болон дайвар хог хаягдлыг хогийн цэгрүү тээвэрлэн хүргүүлэв. Бидний амьдарч буй орчны хөрс нь хүн ,мал, амьтны ялгадас, хог хаягдлаар бохирдсоноос өвчин үүсгэгч олон төрлийн бичил биетэн өсч үржих орчныг бүрдүүлдэг. Бохирдсон хөрс нь 6 гаруй төрлийн халдварт өвчний үүсгэгчийг дамжуулагч хүчин зүйл болдог. Бохирдсон хөрс нь гадаргын болон газрын гүний усыг бохирдуулагч эх үүсвэр болж байдаг учраас та бид ирээдүйнхээ төлөө хог хаягдлаа зөв хаях ёстой газарт нь хаяж сурцгаая.

Бидний уриалга Цэвэр, тохилог, эрүүл, тааламжтай орчноо бид өөрсдөө бий болгож чадна!!!