Монгол, Хятад хоёр улсын иж бүрэн стратегийн түншлэлийн харилцааг гүнзгийрүүлэх, Монгол, Хятад хоёр улсын аж ахуйн нэгж болон олон улсын худалдаа, хөрөнгө оруулалт, аялал жуулчлал, шинжлэх ухаан болон соёлын солилцооны хамтын ажиллагааг хөгжүүлэх үүднээс Монгол Улсын Аж Үйлдвэрийн яам, БНХАУ-ын Хадалдааны яам, ӨМӨЗО-ны Ардын засгийн газар хамтран 2015 оны 10 дугаар сарын 23-27-ны өдрүүдэд ӨМӨЗО-ны төв Хөх хотод “Монгол-Хятадын анхдугаар экспо” арга хэмжээ зохион байгуулагдлаа. Уг арга хэмжээ нь дараах 4 агуулгыг багтаасан байна.

Үүнд: • Хөрөнгө оруулалтын хурал • Үзэсгэлэн • Чуулга уулзалт • Соёлын солилцооны хурал

Монгол-Хятадын шинжлэх ухаан технологийн солилцооны үзэсгэлэн зохион байгуулагдаж Хятад, ӨМӨЗО, Монгол улсын шинжлэх ухааны байгууллага, их дээд сургуулиудын шинжлэх ухаан, технологи, үйлдвэрлэлийн судалгааны үр бүтээлийг үзүүлэх, хөдөө аж ахуй, био анагаах ухаан, мэдээллийн технологи, сэргээгдэх эрчим хүч, шинэ материал, байгаль орчин хамгаалах зэрэг салбаруудыг хамарсан бүтээлийн үзэсгэлэн зохион байгуулагдсан. Тус үзэсгэлэнд ШУТИС-ийн багш нарыг төлөөлж ҮТС-ын профессор Б.Энхтуяа, ДаТС-ын багш М.Атарцэцэг нар амжилттай оролцон өөрсдийн судалгааны бүтээлийг дэлгэн танилцууллаа.