“Мэргэжлийн англи хэл хичээлийг их сургуулийн оюутнуудад заах нь: туршлага солилцож заах арга зүйн мэдлэгээ тэлэх” (Teaching English for Specific Purposes to University Students: Sharing Experiences and Gaining Knowledge) гэсэн нэртэй сургалт-семинарыг манай сургуулийн Суурь шинжлэх ухааны тэнхим ШУТИС-ийн Гадаад хэлний институт болон АНУ-ын Төрийн департаментын Англи хэлний хөтөлбөрийн дэмжлэгтэй хамтран 2015 оны 11-р сарын 28-нд амжилттай зохион байгууллаа.
Энэхүү сургалт-семинарын албан ёсны хэл нь англи хэл байсан бөгөөд энэ нь хэлэлцүүлж тайлагнасан бүх илтгэл, сургалт нь энэ хэл дээр явагдсан гэсэн үг билээ. ШУТИС-ийн бүрэлдхүүн бүх сургуулиудад мэргэжлийн англи хэл заадаг багш нар оролцсон нь анх удаагаа энэ чиглэлээр мэргэжсэн багш нар өргөн хүрээнд нэг дор цугларч санал солилцож ярилцах боломж гарсан хэрэг юм.
Мэргэжлийн англи хэлийг заах нь хэл шинжлэлийн шинэ салбар бөгөөд онол аргачлалын хувьд АНУ-аас эхтэй, мөн энэ хичээлийг дэлхий улс орнуудад зөвхөн англи хэлний багш нар агуулгын хувьд бэлтгэж заадаг билээ. Учир нь энэ хичээлээр дамжин оюутнуудад “техник технологийг” бус харин эдгээрийг ойлгоход тус дэм болох англи хэлний чадварыг өргөжүүлэх зорилго тавьдаг болно.
