“Инновацийн тухай” хууль, Монгол Улсын Засгийн газрын 2014 оны 301 тогтоолоор баталсан”Шинжлэх ухаан, технологийн төсөл хэрэгжүүлэх журам“-ыг хэрэгжүүлэх, судалгаа боловсруулалтын ажлын үр дүн, оюуны өмчийг эдийн засгийн эргэлтэд оруулж, инновацийн бүтээгдэхүүний үйлдвэрлэлийг бий болгох зорилгоор 2016 оноос эхлэн хэрэгжүүлэх инновацийн төслийн сонгон шалгаруулалтыг зарлаж байна.

Эрдэмтэн, судлаачид та бүхнийг “Шинжлэх, ухаан, технологийн төсөл хэрэгжүүлэх журам“-ын дагуу төслийн баримт бичгээ боловсруулан, сонгон шалгаруулалтанд оролцохыг урьж байна.

• Инновацийн төсөлд тавигдах шаардлага:
• Урьдчилсан судалгаа хийгдсэн, үр дүн (оюуны өмч) нь баталгаажсан байх;
• Мэдлэгт суурилсан эдийн засгийг хөгжүүлэх, шинэ дэвшилтэт технологийг эрэлтэд нийцүүлэн бодит хэрэглээ болгох, экспортыг нэмэгдүүлэх, импортыг орлохуйц стратегийн ач холбогдол бүхий инновацийн бүтээгдэхүүн үйлдвэрлэхэд чиглэгдсэн байх;
• Шинжлэх ухааны салбарын мэргэжлийн эрдэмтэд, судлаачид хамтран оролцсон, төсөл хэрэгжүүлэх хүний нөөц болон лаборатори, багаж тоног төхөөрөмж, туршилтын бааз бүрдсэн байх;
• “Инновацийн тухай хууль”-ийн 14 дүгээр зүйлийн 14.1, 14.2, 15 дугаар зүйлийн 15.1 дэх хэсэгт заасан шаардлагыг хангасан байх;
• Төслийн санхүүжилтээр худалдан авах багаж, тоног төхөөрөмжийн үнийн санал, техникийн үзүүлэлтийг баримтжуулан хавсаргах, техник, эдийн засгийн үндэслэл, зах зээлийн судалгаа, зардал, үр ашгийн тооцоог хийсэн байх;
• Төсөл хэрэгжих хугацаа 2-3 жил, санхүүжилт 90 хүртэл сая төгрөг, цалингийн зардал төслийн санхүүжилтийн 20 хувиас хэтрэхгүй байна.

Зарласан болзол, шаардлагыг бүрэн хангасан, сонгон шалгаруулалтад оролцох инновацийн төслийн саналыг 2016 оны 01 дүгээр сарын 29-ний өдрийн 17-00 цаг хүртэл дараах цахим хаягаар (http://www.project.edu.mn/) бүртгэнэ. Төслийн баримт бичгийг Боловсрол, соёл, шинжлэх ухааны яамны 213 тоот өрөөнд ирүүлж болно.

]]>