ШУТИС-ийн Дархан-Уул аймаг дахь Технологийн сургуулийн 2015-2016 оны хичээлийн жилийн хаврын улиралд төгсөгч оюутнуудын диплом гардуулалтын ёслолын ажиллагаа 2016.06.23-ны өдөр сургуулийн II байрны гадна талбайд зохион байгуулагдлаа.
2015-2016 оны хаврын улиралд ШУТИС-ийн хэмжээнд нийт 155 мэргэжлээр 2484 бакалавр 370 магистр үүнээс 103 онцлох дипломтой оюутан төгсөж байгаагаас ДаТС-д 179 бакалавр, 14 магистр, 9 онцлох дипломтой оюутан төгсөн гарч байна.
Төгсөлтийн баярын ажиллагаанд ШУТИС-ийн Сургалт эрхэлсэн проректор доктор, профессор Х.Энхжаргал, ШУТИС-ийн оюутны холбооны тэргүүн А.Төгсбаяр, ДаТС-ийн төгсөгчдийн холбооны дарга П.Баярсайхан нар уригдан оролцож шилдэг төгсөгч оюутнуудыг шагнаж урамшууллаа.
Үүнд:
ШУТИС-ийн шилдэг оюутан шагналаар ХҮТИ-Эрүүл ахуй ангийн төгсөгч Б.Даваажаргал
ШУТИС-ийн оюутны холбооны шагналаар Механик инженер мэргэжлээр магистрын зэрэг авч байгаа Д.Оюунчимэг
ДаТС-ийн Төгсөгчдийн холбооны шагналаар БМТИ ангийн төгсөгч Н.Гэрэлтуяа, БМҮТТИ ангийн төгсөгч Ж.Нямдаваа нар тус тус шагнагдлаа.
Төгсөн гарч байгаа нийт төгсөгч оюутнууддаа цаашдын ажил амьдралд нь амжилт хүсэн ерөөе. Сургуулийн захиргаа
]]>