ШУТИС-ийн Дархан-Уул аймаг дахь Технологийн сургуулийн Номын сангаас “Дэлхийн номын өдөр”ийг тохиолдуулан номын үзэсгэлэн зохион явууллаа.
Энэ удаагийн номын үзэсгэлэнгээр мэргэжлийн ном сурах бичиг, гадаад хэвлэлээс гадна, уран зохиол, утга зохиол, танин мэдэхүйн чиглэлээр нийт 496 ширхэг номыг дэлгэн танилцуулаа.
“Монголын эх түүх” 6 боть номыг 2014 оны 12-р сард Монгол улсын ерөнхийлөгчийн санаачлага, Ерөнхийлөгчийн Тамгын Газрын дэмжлэгтэйгээр бүтээсэн билээ. Уг номонд монголын түүхийг залуу үе, ард иргэддээ үнэн бодьтойгоор мэдүүлэх үүднээс хэвлүүлсэн түүхийн үнэт бүтээл юм. Энэхүү 6 боть номын хэлэлцүүлэгийг ДаТС-ийн суурь шинжлэх ухааны тэнхимийн багш М.Ундрал, Дархан дээд сургуулийн багш Д.Жамбалдорж нар оюутнуудад танилцуулав. Мөн Дархан дээд сургуулийн багш Д.Жамбалдорж “Дархан хотын үүсэл хөгжил, түүх соёл дурсгалуудын тухай” сонирхолтой илтгэл тавьснаас гадна оюутнуудын дунд зохион байгуулсан “Ном-миний оюуны ундраа” сэдэвт шүлгийн уралдаанд тэргүүн байр эзэлсэн УУЦ-2 курсын оюутан Б.Өөлд, Түргэн хэллэгийн тэмцээнд идэвхтэй оролцож түргэн хэллэгийг хамгийн сайн хэлсэн 2 оюутныг тус тус шагнаж урамшууллаа.
Тус арга хэмжээнд идэвхитэй оролцсон нийт багш, оюутнууддаа баярлаж талархаснаа илэрхийлье.
Сургуулийн захиргаа
Номын сан
]]>