Интерактив компани “Developer nation” хөтөлбөрийн хүрээнд Дархан, Эрдэнэт хотуудад өөрсдийн технологийн дэд бүтэц болох “Veritech platform” -ийг оюутан залуус, багш нарт танилцуулж 2 долоо хоногийн хугацаатай сургалтандаа хамрууллаа.

Сургалтаар залуусыг дижитал шилжилтэд хөтлөн түүчээлэх орчин үеийн технологийг зааж өөрсдийн ур чадвараа ашиглан бүтээгдэхүүн хөгжүүлэх чадварыг суулгасан юм.

Бидний сургалт 2023.04.24 -нд дуусч нийт 70 гаран оюутан 2 багшийн хамт амжилттай дүүргэлээ. Бид залуусын ур чадварыг бататгаж урам зориг өгөх үүднээс “Digital Darkhan Hackathon” -ийг 2023.05.12 өдөр “08:00 – 20:00” цагийн хооронд бүтэн 12 цаг үргэлжлэх тэмцээн зохион байгуулах гэж байна. Тэмцээнд Veritech platform -ийн сургалтанд хамрагдсан багш оюутнууд хамрагдах боломжтой.

Тэмцээний шагналын сан болох

1-р байр: 1,000,000₮

2-р байр: 500,000₮

3-р байр: 300,000₮

төгрөгийг Интерактив компаниас санхүүжүүлэн оролцох гэж байна. Бидний зүгээс цаашдын хамтын ажиллагааг өргөжүүлэх залуусыг дижитал ур чадварт хөтлөн түүчээлэх, нийгмийн хариуцлагын хүрээнд олон залууст амьдарч байгаа газар орондоо ашиг орлогоо нэмэгдүүлж сайхан амьдрах боломжийг олгохоор хичээн ажиллаж байна.