ШУТИС ДаТС-ийн оюутнууд “ДАРХАНЫ ОЮУТНЫ УРЛАГИЙН ХХ ИХ НААДАМ~2023” АМЖИЛТТАЙ ОРОЛЦЛОО

Дарханы Оюутны Холбооноос жил бүр уламжлал болгон зохион байгуулагддаг Дарханы 9 их дээд сургууль, коллежийн оюутан залуусын дунд ширүүхэн өрсөлдөөн, гал гарсан үзүүлбэрүүдийг толилуулдаг “Оюутны Урлагийн 20 дугаар Их Наадам-2023” 2023.12.07,08-ны өдрүүдэд “Залуучууд Театр”-ын их танхимд амжилттай зохион байгуулагдан Шилжин явах цомын эзнээр буюу нийлбэр дүнгээр “ТЭРГҮҮН БАЙР”-ын шагналыг ШУТИС-ийн Дархан-Уул аймаг дахь Технологийн сургууль хүртлээ. “ДЭД БАЙР”-ын шагналыг Хөдөө Аж Ахуйн Их Сургуулийн Дархан салбар сургууль, “ГУТГААР БАЙР”-ын шагналыг Дарханы Хүмүүнлэгийн дээд сургууль тус тус хүртсэн юм.

Энэ удаагийн наадмын ерөнхий шүүгчээр:

1. Монгол Улсын Соёлын Тэргүүний ажилтан, Жүжигчин Х.Манлайбаатар,

2. Монголын бүжгийн спортын нэгдсэн холбооны шүүгч, Монгол Улсын Соёлын Тэргүүний ажилтан Н.Мөнх-Эрдэнэ нар ажиллалаа.

Идэвх зүтгэл, амжилт гарган оролцсон бүх оюутан залуустаа сурлага хөдөлмөрийн дээдийг хүсэн ерөөе