#ШУТИС_ДаТС-ийн Суурь шинжлэх ухааны тэнхим
“Эрдэмтний индэр”
ШУА-ийн Математик, тоон технологийн хүрээлэн, симуляци тооцооллын салбарын эрхлэгч Б.Батгэрэл доктор Ph.D, дэд профессор “Математик-Хиймэл оюун ухаан” сэдвээр ДаТС-ийн болон бусад сургуулийн сонирхон ирсэн нийт 50 гаруй багш судлаач оюутнуудад сонирхолтой семинар уншлаа. 
Хамтран ажиллах гэрээ
ШУТИС-ийн Дархан-Уул аймаг дахь Технологийн сургууль нь ШУА-ийн МТТХ-ийн Тооцоолох төвтэй хамтран ажиллах
гэрээ байгуулав. ШУА-ийн МТТХ-д байрлах тооцоолох төвийн кластер компьютеруудыг түшиглэн улс орны эдийн засаг, нийгмийн тулгамдсан асуудлыг шийдвэрлэхэд #ШУТИС_ДаТС-ийн багш нар нээлттэй ашиглахаар боллоо.
“Сургалт”
Тооцоолох төвийн кластер компьютеруудыг ашиглан өндөр түвшний судалгааг хийж гүйцэтгэхэд судлаачдыг бэлтгэх ажлын эхлэл болгон анхан шатны танилцуулга 10 багшид өгч сертификат гардууллаа. 
Номын хандив
ШУА-ийн Математик, тоон технологийн хүрээлэн, симуляци тооцооллын салбарын эрхлэгч Б.Батгэрэл #ШУТИС_ДаТС-ийн багш, судлаачдад 13ш ном болон цахим номыг бэлэг болгон өглөө. 
