#ШУТИС_ДАТС-ийн “БАКАЛАВР ОЮУТНЫ” ЭШХ амжилттай зохион байгуулагдлаа.
2025.03.18-нд ШУТИС-ийн Дархан-Уул аймаг дахь Технологийн сургуулийн 2024-2025 оны хичээлийн жилийн БАКАЛАВР ОЮУТНЫ ЭРДЭМ ШИНЖИЛГЭЭНИЙ БАГА ХУРАЛ уламжлал ёсоор зохион байгуулагдаж, тэнхим салбар бүрээс шалгарсан 15 илтгэл хэлэлцэгдлээ. Уг хуралд тавигдсан илтгэлүүдийн хувьд өөр өөр салбар, мэргэжлийн, шинэлэг санаа, асуудал дэвшүүлж, үйлдвэрлэл, хэрэглээнд нэвтрүүлэх боломжтой, сонирхолтой, илтгэлүүд байсан бөгөөд оролцогсдын хувьд илтгэх чадвар сайтай, өөртөө итгэлтэй, хөгжих хүсэл эрмэлзэлтэй манлайлагч оюутнууд байсныг хурлыг зохион байгуулагчид болон шүүгч эрдэмтэн багш нар тэмдэглэж үнэллээ.
Шагналт байруудад дараах илтгэлүүд шалгарч, дараагийн шатны ШУТИС-ийн Эрдмийн чуулганд орох эрхтэй болов. Үүнд:
Тэргүүн байранд Инженерчлэлийн салбарын багш Ц. Баярмаагийн удирдсан ҮМ-ийн 4-р курсийн оюутан Н. Нармандах, С.Пүрэвбаатар Б. Нямсамбуу, М.Нарансолонго нарын “Дархан-Уул аймгийн хот тохижилтын DY175ZH-2 маркийн машины ашиглалтыг сайжруулах нь”
2-р байранд Суурь шинжлэх ухааны тэнхимийн багш Ж.Каламхасын удирдсан ПХИ-ийн 1-р курсийн оюутан Ц.Нандинчимэгийн “Оюутны суралцах идэвхэд нойрны чанар нөлөөлөх нь /ДаТС-ийн дотуур байрны оюутнуудын жишээн дээр”
3-р байранд Технологийн салбарын багш Т.Үдбалын удирдсан БИ-ийн 3-р курсийн оюутан Э.Сундуй, Б.Балсан, Г.Мөнхбаяр нарын “Хөнгөрүүлсэн төмөр бетон дамнурууны даах чадварын судалгаа”сэдэвт илтгэлүүд тус тус шалгарч, өргөмжлөл, кредитийн урамшуулал авах эрхээр шагнагдав.
Хуралд илтгэлээ амжилттай хэлэлцүүлсэн судлаач-оюутан, удирдсан багш нарынхаа цаашдын эрдэм судалгааны ажилд улам өндөр амжилт хүсье!
Хамтдаа мэдлэг тарьцгаая!
