ШУТИС-Дархан-Уул аймаг дахь технологийн сургуулийн 2025-2026 оны хичээлийн шинэ жилийн нээлтийн ёслолын ажиллагааг 2025 оны 9 дүгээр сарын 1-ний өдөр ёслол төгөлдөр тэмдэглэлээ. Нээлтийн ёслолд ШУТИС-Дархан-Уул аймаг дахь технологийн сургуулийн захирал Ц.Батбаатар, оюутны зөвлөлийн дарга М.Саранжаргал, КОЙКА байгууллагын сайн дурын мэргэжилтэн Гону Жон Жанеён нар эрдэмтэн багш, ажилтан албан хаагчид болон нийт оюутнуудад мэндчилгээ дэвшүүллээ. Шинээр элсэгч оюутнууд тангараг өргөн хичээлийн шинэ жилийн анхны хонх дуугарснаар хичээлийн шинэ жил ийнхүү эхэллээ. Сургуулийн хамт олон та бүхэндээ шинэ хичээлийн жилийн баярын мэнд хүргэж, сурлага, хөдөлмөрийн өндөр амжилт хүсье!