ШУТИС-ийн Дархан-Уул аймаг дахь Технологийн Сургууль байгуулагдсаны 25 жилийн ойн арга хэмжээний хүрээнд зохион байгуулагдсан 1992-1994, 2004-2009, магистрийн 1997-2016 оны төгсөгчдийн уулзалт өдөрлөгт Машин Үйлдвэрлэлийн Технологийн Инженер, Барилгын Материал Технологийн Инженер, Хоол Үйлдвэрлэл Үйлчилгээний Технологи Инженер, Иргэний Ба Үйлдвэрлэлийн Барилгын Инженер, Барилгын Удирдлага, Санхүү Удирдлага, Компьютер Программ Хангамжийн инженер, Халаалт Агаар Сэлгэлтийн инженер, Ус Хангамж Ариутгах Татуургын Инженер мэргэжлээр төгссөн төгсөгчдийн төлөөлөл хүрэлцэн ирж оролцлоо.

Энэхүү уулзалтын хөтөлбөрийн дагуу

1. ДаТС-ийн Захирал Ц.Батбаатар /Доктор D, Дэд Профессор/

2. ДаТС-ийн Технологийн салбарын эрхлэгч Ж.Амгалан /Доктор D, Дэд Профессор/

3. ДаТС-ийг үүсгэн байгуулсан анхны 7 багшийн нэг, ШУТИС-ийн хүндэт профессор П.Эрдэнэбат / Доктор D, Дэд Профессор / нар уригдан оролцож, төгсөгчидтэйгээ дурсамжаа хуваалцсанаас гадна төгсөгчдийн төлөөлөл 2005 оны Барилгын Материалын Технологийн Инженер мэргэжлээр төгсөгч Амарбат, 2007 оны Иргэний Ба Үйлдвэрлэлийн Барилгын Инженер мэргэжлээр төгсөгч Дарханбаяр, 2007 оны Ус Хангамж Ариутгах Татуургын Инженер мэргэжлээр төгсөгч Дарханпүрэв, 2007 оны Санхүү Удирдлагын мэргэжлээр төгсөгч Мөнхболд, 2007 оны Санхүү Удирдлагын мэргэжлээр төгсөгч Мөнхтуяа, 2009 оны Хүнс Үйлдвэрлэл Технологийн Инженер-Эрүүл Ахуйч мэргэжлээр төгсөгч ангийн дарга Баясгалан нар эрдэмтэн багш сурган хүмүүжүүлэгчид, оюутан цагийн найз нөхөддөө мэндчилгээ дэвшүүлж дурсамж яриа өрнүүлэн, уулзалт-өдөрлөгт халуун дотно, хийсэн бүтээлээ хэлэлцэн сонирхолтой, дурсамжтай мөчүүдээр дүүрэн өнгөрөөв. Арга хэмжээний хөтөлбөрийн дагуу ДаТС-ийн оюутны зөвлөлийн оюутнууд төгсөгчдөд зориулан бага хэмжээний урлагийн тоглолтыг зохион байгуулсан. Мөн сургуулийн өргөтгөлийн барилгыг танилцуулж, салбар салбарын багш нар нь хүлээн авч уулзахын зэрэгцээ нөхөрсөг сагсан бөмбөгийн тоглолтыг зохион байгууллаа.