БНАСАУ-ын Хөдөлмөрийн нам байгуулагдсаны 72 жилийн ойг тохиолдуулан “КИМЖӨНИРХВА” буюу “Мөнхийн цэцэг”-ийн үзэсгэлэнг Дархан-Уул аймаг дахь Пекту сангийн гишүүд, Дархан-Уул аймгийн Засаг даргын тамгийн газар, Дархан-Уул аймаг дахь Технологийн сургууль, Суурь шинжлэх ухааны тэнхимийн хамт олон хамтран 2017.10.10-ны өдрөөс 2017.10.12-ны өдрүүдэд ДаТС дээр амжилттай зохион байгууллаа.
Үзэсгэлэнгийн нээлтэнд БНАСАУ-аас Монгол улсад суугаа Онц бөгөөд Бүрэн эрхт элчин сайд Хон Гю тэргүүтэй төлөөлөгчид, ДаТС-ийн захиргаа, орон нутгийн засаг захиргааны удирдлагууд хүрэлцэн ирж үг хэлсэн бөгөөд Солонгосын охид урлагийн тоглолт үзүүлж, Дархан-Уул аймгийн XXI цэцэрлэгийн хүүхдүүд Солонгос хэлээр дуулж ирсэн зочидод хүндэтгэл үзүүлэв.
Солонгос охид урлагийн тоглолтыг нийт 4 удаа хийж, мөнхийн цэцэг БНАСАУ-ын тухай бичсэн ном, зохиолыг танилцуулж үзэсгэлэнд оролцогчдод цэцэг худалдаалах үйлчилгээг үзүүлснийг Дарханчууд сэтгэл таатай, халуун дотноор хүлээн авч байлаа.
ДаТС, Суурь шинжлэх ухааны тэнхим нь Солонгосын сургалт, эрдэм шинжилгээний байгууллагуудтай хамтран ажиллах талаар саналыг тавьсан. Үзэсгэлэнгийн үеэр БНАСАУ-аас Монгол улсад суугаа Онц бөгөөд бүрэн эрхт элчин сайд Хон Гю тэргүүтэй төлөөлөгчид Пекту сангийн нийгэмлэгийн гишүүдтэй уулзалт хийсний зэрэгцээ тус сургуулийн “Түүх, нийгмийн ухааны танхим”-аар зочлов.
“КИМЖӨНИРХВА” цэцгийн үзэсгэлэн нь зочид төлөөлөгчид, оролцогчдын сэтгэлд ихэд нийцсэн талаар талархлын үгийг хэлж байсан. Аливаа ажилд сэтгэл, итгэл, зүтгэл байвал амжилт дагуулдаг юм байна гэдгийг энэхүү арга хэмжээ харууллаа.
