2018.03.15-нд ШУТИС-ийн Дархан-Уул аймаг дахь Технологийн сургуулийн 2017-2018 оны хичээлийн жилийн Бакалавр оюутны эрдэм шинжилгээний бага хурал уламжлал ёсоор зохион байгуулагдаж, салбар, тэнхим бүрээс шалгарсан 22 илтгэл хэлэлцэгдэв. Уг хуралд тавигдсан илтгэлүүдийн хувьд олон өөр салбар, мэргэжлээс орсон, сонирхолтой, бидний ахуй амьдрал болоод шинжлэх ухаан, улс орны хөгжлийн асуудлуудыг хөндөж, шийдэл эрэлхийлсэн, практик ач холбогдол бүхий дараах илтгэлүүд шалгарлаа.
Үүнд: Төгсөгчдийн холбооны нэрэмжит Гран при шагналын эзнээр Доктор Х.Жанчивдоржийн удирдлаган дор хийгдсэн “Ган утсыг бетонд ашиглах боломжийн судалгаа” сэдэвт илтгэлийг хэлэлцүүлсэн оюутан Т.Лхагваням Д. Лхамнаран , Б. Дөлгөөн , Э.Энхдалай нар тодорсон бол
1-р байрт оюутан Б.Оюунчимэг, Д.Энхбилгүүн нарын “Хөрсний чийгшил ба температур хэмжих багажийн судалгаа” / Удирдсан багш: Б.Лхагва ,Ч.Алтантүрүү, А.Балжинням /
2-р байрт оюутан Б.Баянжаргалын “Дархан сумын 18-р дунд сургуулийн барилгын халаалтын системийг шинэчилсний дараах үр дүнгийн судалгаа” / Удирдсан багш: Н.Эрдэнэбаяр/
3-р байрт оюутан: А. Сумъяабаяр , Ж. Мягмарсүрэн “Муфтэн холбоосын механик шинж чанарын судалгаа“ /Удирдсан багш: Б. Басбиш/
Тусгай байрт оюутан Г.Бямбадаваа ,Т.Ганзориг, Д.Лхамнаран ,Э.Энхдалай, Ш.Хишигжаргал нарын “Ойлтын алхаар бетон сорьцын бат бэхийг турших боломжийн судалгаа” /Удирдсан багш: Н. Оргилсайхан/
Тусгай байрт оюутан Б.Бумбаярын “Сэрээт өргүүрийн хийцийн төсөл /Удирдсан багш: М.Эрдэнэ-Очир/ илтгэл тус тус шалгарлаа.
Бакалавр оюутны эрдэм шинжилгээний бага хурлын шилдэг илтгэлүүдийн шагналыг жил бүр Батмөнх сан, Гран при шагналыг ДаТС-ийн Төгсөгчдийн холбоо ивээн тэтгэдэг уламжлалтай.
Жил ирэх тутам оюутнуудын судалгааны ажлын чанар, онол, практикийн мэдлэг, илтгэх болон өөрийгөө илэрхийлэх чадвар сайжирч байгаа нь ажиглагдаж байв.
Хуралд амжилттай оролцсон оюутан залуус, удирдсан эрдэмтэн судлаач-багш нарынхаа сургалт, судалгааны ажилд өндөр амжилт хүсье!