Олимпиадад ШУТИС Дархан Уул аймаг дахь Технологийн сургууль, ШУТИС Барилга архитектурын сургууль, Техник технологийн дээд сургууль, Их засаг олон улсын их сургууль, Барилга политехникийн коллеж гэсэн таван сургуулийн 8 баг хоёр төрөлд өрсөлдөж шилдгүүдээ тодруулав. Ивээн тэтгэгч байгууллагаар Монцемент билдинг материалс ХХК, СИ ЭМ ПИ АЙ ХХК оролцсон.
Энэ жилийн олимпиад I бүлэгт-гоёлын бетон II бүлэгт-өндөр үзүүлэлттэй бетон гэсэн сэдвийн дагуу оюутнуудаас бэлтгэсэн гэрийн даалгаврын бүтээлүүдийг турших, илтгэл хэлэлцүүлэх, онолын мэдлэгийн шалгалт, лабораторийн дадал чадварын шалгалт гэх мэт сорилтуудыг авч, олимпиадын I бүлэгт ганцаарчилсан дүнгээр ШУТИС Дархан Уул аймаг дахь Технологийн сургууль-ийн Иргэний ба үйлдвэрийн барилгын инженер-ийн 2 курсийн оюутан Т.Үдбал II бүлэгт ганцаарчилсан дүнгээр ШУТИС Дархан Уул аймаг дахь технологийн сургуулийн Барилгын материал үйлдвэрлэлийн технологи инженер-ийн 4 курсийн оюутан Ж.Буянхишиг шалгарав.
Багийн дүнгээр I бүлгийн төрөлд
Тэргүүн байранд ШУТИС Барилга архитектурын сургууль Дэд байранд ШУТИС Дархан Уул аймаг дахь технологийн сургууль Гуравдугаар байранд Техник технологийн дээд сургууль
II бүлгийн төрөлд
Тэргүүн байранд ШУТИС Дархан Уул аймаг дахь технологийн сургууль Дэд байранд ШУТИС Барилга архитектурын сургууль-ийн баг тус тус шалгарлаа.
Олимпиад Монгол улсын хэмжээнд Барилгын инженер, техникч бэлтгэдэг бүх их, дээд сургууль, коллежийн дунд зохиогдсон бөгөөд Барилга политехникийн коллеж-ийн техникчийн ангийн багийн хүүхдүүд их сургуулийн оюутнуудттай эн зэрэгцэн өрсөлдөж маш амжилттай оролцов.
