Ахлах сургуулийн сурагчид өөрсдийн авьяас чадвар, уран сэтгэмж, баг хамт олны эв нэгдэл болон англи хэлний хичээлээр сурсан зүйлээ эцэг, эхдээ тайлагнах зорилготой урлагийн бага наадам 2018 оны 10 сарын 20 ны өдөр ДаТС-ийн урлагын зааланд амжилттай болж өндөрлөлөө. Урлагийн бага наадам нь гэрийн даалгавар, гоцлол, бүжиг, язгуур урлаг, хошин шог гэсэн үзүүлбэрүүдээс тогтсон бөгөөд гэрийн даалгавар нь Орос улсын алдарт яруу найрагч, зохиолч Александр Сергеевич Пушкины “Алтан загас”-ны үлгэрийг англи хэл дээр жүжигчилэн тоглох байлаа. Нийлбэр оноогоор:

1-р байр: З.Лхамхүү багштай 9а анги

2-р байр: Х.Хишигжаргал багштай 11а анги тус тус шалгарлаа.

Шүүгчээр ажилласан ДаТС-ийн СШУ-ны тэнхимийн багш Ж.Каламхас, М.Ундрал, ДаТС-ийн нийгэм, олон нийтийн ажилтан Ундрах нартаа болон нийт сургуулийн бүх сурагчдадаа, анги хамт олноо удирдан оруулсан багш нартаа, ирж сонирхсон эцэг эхчүүддээ баярласан талархсанаа илэрхийлье.