2016 онд БНСУ-ын Засгийн газрын тэтгэлэгээр Монгол улсаас магистр, докторын зэрэгт суралцах оюутны өргөдөл материалыг 2016 оны 3 дугаар сарын 3-наас 10-ны өдрүүдэд хүлээн авах батус хөтөлбөрт нийт 5 хүнийг сонгон шалгаруулах тул сонирхож буй оюутнууд дээрх хугацаанд БНСУ-ын Элчин сайдын яаманд материалаа ирүүлнэ үү. Тус хөтөлбөрийн талаар дэлгэрэнгүй танилцуулсан журмыг 2016 KGSP-G Application Guidelines (Korean/English) гэсэн хавсралтаас үзэхийг хүсье. 1.Иргэншил

• Өргөдөл гаргагч оюутан өөрөө болон эцэг эх хоёулаа Монгол улсын харъяат иргэн байна.

2.Нас

• 2016 оны 9 сарын 1-ний байдлаар 40 хүртэлх насны иргэд (1976 оны 9 сарын 1-нээс хойш төрсөн иргэд)  

3.Боловсролын байдал

• 2016 оны 8 сарын 31-ний байдлаар баклавар эсвэл магисрын зэрэг хамгаалсан болон төгсөх гэж байгаа оюутан
• Төгсөх ангийн оюутны хувьд материал өгөх үедээ төгсөх гэж байгаа тухай тодорхойлолтоо хавсаргаж өгөх бөгөөд төгссөний дараа 2016 оны 8 сарын 31-ний өдрийг хүртэл дипломны материалаа хавсаргаж өгөх
• Солонгост их дээд сургуульд баклавр, магистр төгссөн бол хамрагдах боломжгүй
• Солонгост их дээд сургуульд солилцооны оюутнаар суралцаж байсан бол хамрагдах боломжтой
• 2016 оны 8 сарын 31-ний байдлаар зэрэг хамгаалсан болон төгсөх гэж байгаа БНСУ-ын Засгийн газрын тэтгэлэгт оюутан зөвхөн Монгол улсад суугаа БНСУ-ын ЭСЯ-аар дамжуулан дахин нэг удаа материал өгөх боломжтой

4.Дүн Хамгийн сүүлд төгссөн сургуулийн бүх улирлын дүнгийн голч оноо нь (GPA) дараах болзлыг хангасан байна

• 4.0 бүрэн онооноос голч дүн 2.64 дээш байх
• 4.3 бүрэн онооноос голч дүн 2.80 дээш байх
• 4.5 бүрэн онооноос голч дүн 2.91 дээш байх
• 100 онооны системтэй бол голч дүн 80-аас дээш оноотой байх

о Дүнгийн оноог хувилан бодохдоо хавсралт Appendix A.GPA хуваарийг ашиглах о Дээрх болзлыг хангаагүй хүний материалыг шалгуурт тэнцээгүйд тооцно о Материалд хавсаргаж өгсөн дүнгийн жагсаалтад голч оноог тэмдэглээгүй аль эсвэл GPA аргачлалаар оноог хувилж тооцоход бэрхшээлтэй тохиолдолд тухайн төгссөн сургуулиас авсан албан ёсны тайлбар тодорхойлолтыг хавсаргаж өгнө Хавсралт:  

1. 2016 KGSP-G Application Guidenlines (журам солонгос хэлээр)
2. KGSP-G Application Guidenlines (журам англи хэлээр)
3. KGSP-G Application Form
4. KGSP University information: ЗГ-ын тэтгэлэгт суралцуулах их дээд сургуулийн мэдээлэл (солонгос хэлээр)
5. KGSP University information ЗГ-ын тэтгэлэгт суралцуулах их дээд сургуулийн мэдээлэл (англи хэлээр)
6. 2016 оны тэтгэлэгт хөтөлбөрийн сонгон шалгаруулалтын талаарх  нийтлэг асуулт хариулт(English-Korean)