“Шинжлэх ухааны ажилтан”-ы өдрийг тохиолдуулан СШУТ-ын судалгааны багаас санаачлан залуу эрдэмтдийн бүтээлийн үзэсгэлэнг 2016.11.24-ны өдөр II-401 лекцийн зааланд зохион байгуулав. Үүнд: Суурь шинжлэх ухааны тэнхимийн эрдэмтэд, дэд профессор У.Мөнхцэцэг (Ph.D), Г.Цэндмаа (Ph.D), Б.Ганболд (Ph.D) нарын эрдэм судлалын чиглэлээр хийсэн бүтээлүүд тавигдлаа.

Үзэсгэлэнгийн дараа нийт багш нарын дунд СШУТ-ийн эрхлэгч профессор М.Гонгор “Оюутны харилцааны соёлыг сайжруулах нь” сэдэвт илтгэл, Инженерчлэлийн салбарын багш Б.Цогтсайхан “Google apps for education” сэдвээр профессорын семинар тус тус хийв.

Эдгээр арга хэмжээнүүдийн дараа доктор, профессор М.Гонгорын шинжлэх ухааны салбарт оруулсан хувь нэмрийг нь үнэлж “Шинжлэх ухааны тэргүүний ажилтан” цол, тэмдэг болон ШУТИС-ийн “Эрдмийн зөвлөл”-ийн шагналыг ДаТС-ийн захирал доктор, дэд профессор Ц.Батбаатар гардууллаа.  

Доктор, профессор М.Гонгор нь их, дээд сургуульд ажиллах хугацаандаа:

• Нэг сэдэвт бүтээл 2
• Сурах бичиг, гарын авлага 26
• Эрдэм шинжилгээний өгүүлэл 95
• Үйлдвэрлэл, практикт нэвтрүүлсэн бүтээл 6
• Хэрэгжүүлсэн төсөл 7
• Зохиогчийн эрх 6-г тус тус туурвисан байна.

Оюун сэтгэлгээ тань өргөжиж

Өргөн мэдлэг тань тэлж

Оюуны мэлмий тань тунгалаг байг

  Номын цагаан буян дэлгэрэх болтугай 

Сургуулийн захиргаа, Эрдмийн зөвлөл Суурь шинжлэх ухааны тэнхим

]]>