“We like МАRIO” хөвөн чихрийн саваар хэн гоё бүтээл хийх вэ сэдэвт уралдааны удирдамж

      Хамтран ажиллах тухай Манай компани нь 1993 онд үүсгэн байгуулагдсан бөгөөд хүнсний бүтээгдэхүүний импорт, худалдаа, үйлдвэрлэл үйлчилгээний салбарт 20 гаруй жил амжилттай үйл ажиллагаа явуулсаар ирсэн. 2014 онд Манай компани Монголд анх удаа Европ технологиор үйлдвэрлэсэн амт чанар сайтай Марио нэрийн савласан хөвөн чихрийг үйлдвэрлэж эхэлсэн. Монгол улсын Шийдлийн засгийн газраас хэрэгжүүлж буй үндэсний үйлдвэрлэлийг дэмжих бодлогын хүрээнд манай хөвөн чихрийн үйлдвэр нь эрүүл ахуйн шаардлага хангасан Европ технологийг нэвтрүүлсэн чанартай үйлдвэрлэл гэдгээрээ сайшаагдаж байгаа билээ. Манай Марио хөвөн чихэр нь байгалийн цэвэр сахараар үйлдвэрлэгдсэн төрөл бүрийн амттай, эрүүл ахуй чанарын шаардлага хангасан вакум савлагаатайгаараа онцлогтой бөгөөд эрүүл ахуйн шаардлага хангасан, харшил өгөхгүй, химийн нэмэлт бүтээгдэхүүн агуулаагүй натурал бүтээгдэхүүн бөгөөд байгалийн гаралтай глюкоз тул хүүхдийн биед хамгийн чухал шим тэжээл энерги өгдөг. Мөн байгалын цэвэр сахар нь тархины эд эсийг сэргээж хүүхдийн ой тогтоолт, сурах үйл ажиллагаа, анхаарал төвлөрөлийг сайжруулдаг болох нь шинжлэх ухаанаар тогтоогдсон байдаг. Хатуу чихэр нь химийн нэмэлт бүтээгдэхүүн ихээр агуулдаг бөгөөд хүүхдийн шүд хорхойтуулах сөрөг нөлөөтэй байдаг бол марио хөвөн чихэр нь амархан уусдаг тул шүд хорхойтуулахгүй, химийн нэмэлт бүтээгдэхүүн агуулаагүй тул элдэв харшил өгөхгүй бөгөөд байгалийн гаралтай глюкоз тул хүүхдийн сэтгэн бодох чадварыг дээшлүүлэх ач тустай байдаг. Манай компани Монгол улсын 21 аймгийн Ерөнхий боловсролын сургуулиудын бүтээлч хүүхэд багачуудын дунд “We Like Mario’’ сэдэвт Марио хөвөн чихрийн саваар бүтээл хийх уралдааныг зохион байгуулж байна. Энэхүү уралдааны зорилго нь хүүхэд багачуудын бүтээлч сэтгэлгээг хөгжүүлэх, тэдний авьяас чадварыг нээн, олны хүртээл болгон таниулах, чөлөөт цагыг зөв боловсон үр дүнтэй өнгөрүүлэх, сурах идэвх сонирхлыг нэмэгдүүлэх, сургуулиудын хамтын ажиллагаа уялдаа холбоог өргөжүүлэх, цаашид энэхүү уралдааныг уламжлал болгон зохион байгуулахад чиглэнэ. Уралдааны хүрээнд Монгол улсын 21 аймгийн Ерөнхий боловсролын сургуулиудын дунд 1-3 байрыг шалгаруулах юм. Иймд та бүхэн бидний үйл ажиллагааг дэмжиж, сургуулийн нийт анги хамт олныг идэвхтэй оролцуулахын тулд 1-4 ангийн анги удирдсан багш нар болон 5-12 ангийн дарга нар, бага дунд ахлах ангиудын хариуцсан нийгмийн ажилтнуудын холбогдох мэдээллийг нэгтгэн цуглуулж, уралдааны талаар танилцуулга хийх боломж олгож өгнө үү.